|
新潮健康素菜
|
|
yuchiro
2015-11-14
405
0
|
分享
收藏
| 傳統齋菜一般都較油膩，調味重，一大堆素乜素物模仿住某肉類嘅味道，食落都唔知自己其實食緊咩。朋友介紹黎呢間素菜餐廳，佢話係新派嘅素食，天然食材之餘仲無添加，食得安心又好味喎，講到咁正，即刻帶埋阿爸阿媽黎試下先。 當夜仲有bb一齊黎，餐廳安排左卡位，幾濶落，有埋bb都唔迫。侍應哥哥姐姐門服務態度十分良好，勤快又細心，見到有bb即刻攞左濕紙巾同多幾張乾紙巾比我地，途中仲不停refill水。除左味道，態度都好緊要，呢餐食得好滿意，唔講咁多廢話，睇下啲野食有幾正先！！ 簡單餐具，中又得西又得，仲有埋公筷。 紅菜頭蘋果合桃沙律 看似簡單但味道真係唔錯，純天然嘅紅菜頭同蘋果味，加上甜甜嘅琥珀合桃，健康小食呢。 四喜烤夫 功夫很多已經唔多地方有得食，調味好正，烤夫口感鬆軟有彈性，加了香菇，雲耳，同枝豆好味顏色又靚。 日式玉米薯仔沙律 薯仔切碎加入超甜粟綿得黎又有口感，沒過份嘅沙律醬，底部加了一塊紫蘇葉，增加賣相之餘又帶來葉香，整體感覺完美。 南瓜甘筍栗子雪耳忌廉湯 好滑，飲得出係食材本身嘅甜味，比左bb試少少，佢嚷住要飲更多呢。 竹笙無花果姬松茸燉湯 十 . 分 . 清 . 甜 . ！！好飲都無得頂，阿媽話飲呢個湯絕對可以年年益壽。 籚筍素香鬆苜蓿芽手卷 香芒牛油果苜蓿芽手卷 第一次見素食嘅手卷，兩者都好清新，苜蓿芽真係簡單又好食。 和風松露野菌秋葵炒扁意粉 炒得好夠鑊氣，乾身一啲都唔油，意粉條條分明又有咬口，雜菇爽嫩，秋葵黏黏嘅口感，整體滿分！ 野菜風乾蕃茄蟲草花燴意大利飯 意大利飯煮得軟硬適中，少少酸嘅蕃茄同煮，有別於一般白汁意大利飯太膩嘅缺點，三個人分着吃啱啱好。 擔擔麵(中辣) $48 這個有點失色，花生醬味夠重，可惜辣味用了某牌子嘅辣椒醬十分唔夾，勝在麵條唔錯，合格吧。 黑松露薯蓉焗大啡菇 $138 又一個滿分之作！菇厚肉爽口，薯蓉有著濃濃嘅黑松露味，連同大量奶油同煮，好香又綿又滑，上面仲加埋半滆芝士，perfect！ 大啡菇黑松露薄餅 $138 同樣滿分之作！不過酸嘅醬汁加埋香脆餅底，配料除左大啡菇，仲有菠蘿，三色椒等，甜甜酸酸好好味。 半滆芝士無敵正！ 洛神花玫瑰雪梨糕 甜品作結，自家制無添加，少少酸加入爽甜雪梨，仲有玫瑰花香味，看似簡單但好味。 熱情果乳酪蛋糕 酸酸地又甜甜地，蛋糕濕潤軟綿，好味！ 跟餐選飲品可減十蚊，要左三杯特飲。 香橙甘旬特飲，橙味較重，細味下甘旬又出番黎。 無花雙雪，清潤，略微甜左啲。 桂圓杞子菊花蜂蜜茶，好重桂圓味，略甜，飲到一半加了點水依然濃味，細細杯但好多料呀～ 圍起一人三百幾蚊，飽到郁唔到，好味好正呀～
感謝 yuchiro 提供以上資料 yuchiro 的網誌: http://www.openrice.com/zh/gourmet/reviews.htm?userid=444085&city=hongkong
|
~END~
人均
$325.00
| 商店 | 悠蔬食 Leisurely Veggie |