試埋其他奶奶雞先 SeeWide

上次食過元祖奶奶雞幾正，今日又黎食過，但試下另外隻味先。
辛安東元祖奶奶雞的相片 - 荃灣)

上次考慮了很久要元祖好定芝士好，今次就一於要芝士先，大大盆雞，多汁多芝士，仲有粉絲底，好雞嫩又入味，好味又飽肚。
辛安東元祖奶奶雞的相片 - 荃灣)

仲叫左梨花鐵板炸雞，呢種芝士又唔同上面個種，芝士味無咁强，亦比較稀，當汁點炸雞食又唔錯，炸雞香脆有肉汁，唔錯。
辛安東元祖奶奶雞的相片 - 荃灣)

牛肋骨鍋，韓國菜出名之作，一於又試下呢度嘅先，湯頭鮮甜，牛肋骨炆得好淋，一咬已骨肉分離，好味喎。
辛安東元祖奶奶雞的相片 - 荃灣)

地獄芝士薄餅，大量芝士，肉碎，辣椒碎等整成嘅薄餅，口感豐富，食落唔算好辣，除非咁啱咬中粒辣椒核，哈哈，好味呀。
辛安東元祖奶奶雞的相片 - 荃灣)

芝士一口餃子，餃子細細粒，一啖一粒方便食，雖然細隻但餡料都好飽滿架，黐住芝士食一流。
辛安東元祖奶奶雞的相片 - 荃灣)

黎食韓國野都會叫嘅特式飲品，甜甜嘅果醬加汽水又幾好飲，同埋咁樣倒轉擺又真係幾型，但要小心撞跌囉，哈哈。

今餐叫左好多芝士野，正呀正呀。

============================================

感謝 yuchiro 提供以上資料

============================================

~END~

人均 $200.00

商店	辛安東元祖奶奶雞 (荃灣店)


(0)	(0)	(0)