份量意外地大件 SeeWide

去中藝買完野，順便去揾食。見有咁多好評嘅七福神，之前食過元朗店又覺幾好，今晚就食佢先。
七福神和食亭的相片 - 佐敦)

一坐低就斟茶，店員幾好禮貌。睇下餐牌，價位ok喎，咁就咩都叫啲先。
七福神和食亭的相片 - 佐敦)

網燒牛扒，啖啖肉，調味唔錯又幾肉嫩。
七福神和食亭的相片 - 佐敦)

串燒墨魚咀，軟骨好脆好有口感，但略咸左啲。
七福神和食亭的相片 - 佐敦)

三文魚士多啤梨果醋沙律，意外地大盤！居然係用一個大碗盤上，而且份量唔少。果醋味道似乳酪，甜甜酸酸，沙律菜新鮮，加入士多啤梨更添新意，好好味，下次一定encore。
七福神和食亭的相片 - 佐敦)

芝士焗天火蠔，個名好有霸氣！蠔肥美，個汁又唔錯，五十八蚊三隻好抵食！
七福神和食亭的相片 - 佐敦)

魚籽軍艦，爽甜爆汁，飯又有少少醋味，唔錯唔錯。
七福神和食亭的相片 - 佐敦)

等左好耐先到嘅刺身盒，賣相好得喎！有半板海膽，拖羅，三文魚，甜蝦，帶子，北極貝，魷魚，鯛魚，仲有啲紫菜同一舊飯團。好鮮甜，厚切口感十足。可自己包海脆卷，哈哈，好滿足。
七福神和食亭的相片 - 佐敦)

等左超級耐先到嘅灸五味，有蝦，鰻魚，三文魚，煙鴨胸同吞拿魚。入口滆化，魚油甘香，又係好好味，抵食！
七福神和食亭的相片 - 佐敦)

無諗到咁大碟，叫多左，食到好飽飽呀～抵食抵食！

============================================

感謝 yuchiro 提供以上資料

============================================

~END~

人均 $290.00

商店

七福神和食亭


(0)	(0)	(0)