就是這味道 SeeWide

今日真係好熱，行街行到攰又係時候揾食，今啱見到傷心酸辣粉，又真係好耐無食過酸辣粉，咁不如就食佢啦！

坐低無耐，店員就推介一個新出嘅二人套餐，有三個小食同兩碗酸辣粉，都係一一八蚊，認真抵食，拍板啦！
傷心酸辣粉的相片 - 太子)

傷心酸辣粉，只要了bb辣，bb辣都好夠辣啦。一送上已經聞到呢隻味，重慶嘅酸辣粉真係好正！酸、麻、辣一齊黎，十分刺激味蕾。配料有花生，咸菜，芫荽，蔥花，肉醬，滿滿一大碗，再加上紅薯粉，覺得越食越大碗，好飽肚呀。
傷心酸辣粉的相片 - 太子)

口水雞，貌似平平，但實比好多尊賣口水雞嘅舖頭做得出色。雞件十分滑溜，係辣油底下仍食得出雞味。辣汁並唔係死辣個種，帶有麻香，好味好味。
傷心酸辣粉的相片 - 太子)

涼拌海帶絲，之前未試過叫呢樣，第一次試呢。海帶絲清爽，不過硬亦無太淋有口感，咸咸地帶微辣，好適合夏天食。
傷心酸辣粉的相片 - 太子)

麻辣肚絲，有嚼口但又唔會韌，同樣辣得黎帶麻香，越食越上引，唔覺唔覺又食哂成碟。
傷心酸辣粉的相片 - 太子)

另加凍椰汁七蚊，抵飲！夠凍又解辣，啖啖椰香架。

好正宗嘅酸辣粉味，但我覺得唔係個個香港人都接受到，同行友人話bb辣都太辣，食到眼淚水都流埋，真係傷心酸辣粉喎哈哈。

============================================

感謝 yuchiro 提供以上資料

============================================

~END~

人均 $65.00

商店	傷心酸辣粉 (大南街店)


(0)	(0)	(0)