意外地服務態度好好喎 SeeWide

父親節，同父母加bb去茶樓同茶餐廳都等唔到位，去太興碰下運氣。店員見到我地有bb車，比左張大啲嘅埋邊位我地，佢話方便擺車喎，又幾好人。

原來有下午茶餐，三十幾至四十幾蚊，又唔貴喎，話哂都父親節，樓下啲街坊茶記都加左價。
太興的相片 - 元朗)

雞翼撈丁
雞翼滷得入味，丁麵有咬口，調味唔錯。
太興的相片 - 元朗)

乾炒牛河
炒得夠鑊氣，份量大，抵食。
太興的相片 - 元朗)

福建炒飯
有叉燒，大蝦，冬菇等，炒飯底乾身，但個汁略鹹左啲。
太興的相片 - 元朗)

奶醬厚多士
多奶多醬好味，多士又真係算幾厚身喎。
太興的相片 - 元朗)

熱鹹檸水
無乜特別啦，一粒鹹檸檬加熱水，沖多一杯仲係好夠味。
太興的相片 - 元朗)

熱奶茶
夠香滑，又真係幾出色。
太興的相片 - 元朗)

凍紅豆奶茶，凍紅豆咖啡。
少飲特飲嘅兩老突然返老還童想試下呢兩款飲品，佢地話紅豆好甜好淋好好飲，但又驚糖尿病超標，真係好矛盾嘅心情呀。
太興的相片 - 元朗)

埋單，三個人叫左四個餐，飽到上心口。

落單，覆單，上菜，收碟等態度都好好，真係幾意外，聽人講話太興好串又唔覺喎。

============================================

感謝 yuchiro 提供以上資料

============================================

~END~

人均 $60.00

商店	太興 (元朗西菁街店)


(0)	(0)	(0)