羊肉米線大大碗 SeeWide

約左朋友喺九龍公園搞校隊練習，練完到附近揾食，比我發現阿老表！上次喺觀塘已想食，但無開門，今次喺佐敦見到梗係要食佢。

一踏入店舖，強烈嘅羊味撲面而黎，一聞就知掂呀！
雲南阿老表黑羊湯鍋米綫的相片 - 佐敦)

羊肉米線，有皮，細碗，清湯 ($35)
店員提醒細碗已係好大碗，一個女仔唔使食大碗，黎到真係好大碗，唔止個碗大，入面都係勁多米線，羊肉亦有數十片，好抵食喎。
雲南阿老表黑羊湯鍋米綫的相片 - 佐敦)

羊肉薄切，雖然要左有皮，但唔肥㗎，皮下只有少少脂肪，食起上黎增加口感之餘，仲多份甘香。有羊味但唔羶，個人真心覺得十分正。
雲南阿老表黑羊湯鍋米綫的相片 - 佐敦)

米線爽滑，湯底清清地帶鮮甜，一邊食一邊飲哂啲湯，都無口渴。
雲南阿老表黑羊湯鍋米綫的相片 - 佐敦)

米線好熱食到滿頭大汗，整返杯凍蜂蜜，跟米線加六蚊咋，又係好抵。清甜又夠凍，淡淡蜂蜜香實唔錯。

除左清湯底，仲可以加酸辣，但聽食客講話都幾辣架，下次又試下先。

============================================

感謝 yuchiro 提供以上資料

============================================

~END~

人均 $41.00

商店	雲南阿老表黑羊湯鍋米綫 (佐敦店)


(0)	(0)	(0)