新裝修味道依舊 SeeWide

放左工黎元朗揾野食，八點半去到茶木已經唔派飛，唔唯有轉戰食街，左睇右睇都係揀返韓松園，一黎大家都鐘意食韓國野，二黎佢從新裝修過間舖大左，今晚又唔使點等位。

坐低睇下menu，好似無加價喎，不過距離上次食都好幾個月前，都唔係好記得。大家都鐘意食泡菜，於是揀左三樣泡菜野，加個飯，實夠飽啦。
韓松園的相片 - 元朗)

紫菜卷，賣相唔錯。鹹鹹地幾易入口，飯帶有紫菜香，新鮮做起，一口一塊火速ko左成碟。
韓松園的相片 - 元朗)

泡菜煎餅，大大塊又厚身，泡菜都落得幾多，辣辣地，邊位煎得香脆，又係好搶手。
韓松園的相片 - 元朗)

泡菜餃子，呢個個泡菜味唔多，而且似炸多過煎，好硬同比較乾，一般。
韓松園的相片 - 元朗)

泡菜炒年糕，細細砵，九成係年糕加少量泡菜，再加大量辣汁。食到底啲年糕比辣汁浸住真係幾辣下，年糕沒有太淋或太爛，有咬口，整體還可以。
韓松園的相片 - 元朗)

炒粉絲，有椰菜，紅蘿蔔等，粉絲少少鹹，幾淋，看似無油同無乜點炒，食落幾好味同感覺健康啲！？
韓松園的相片 - 元朗)

等左都一陣先到嘅豬肉石窩飯，好熱呀，咋咋聲，即刻落醬撈撈撈先。一大堆菜係面，跟住有薄切嘅豬肉片，淹過呢大荳芽，紅蘿蔔，木耳絲，青瓜絲，生蛋等，本來賣相幾靚但搞完一輪變到一堆咁。鹹鹹辣辣幾惹味喎，飯焦好多不過刮唔出，好想食啲飯焦呀~~！
韓松園的相片 - 元朗)

埋單，四個人食飽飽都幾二百幾蚊，抵食呀。

============================================

感謝 yuchiro 提供以上資料

yuchiro 的網誌: http://www.openrice.com/zh/gourmet/reviews.htm?userid=444085&city=hongkong

============================================

~END~

人均 $54.00

商店	韓松園 Korean Forest


抱歉，發生點錯誤。重新載入


(0)	(0)	(0)