甜品質素什有驚喜 SeeWide

食完晚餐又想食甜品，沿路一路行都有幾間甜品舖，不遠處嘅松記等位等到痴線，但甜尊無乜人，只有兩枱客，可能係比較偏離大街嘅關係？

行近啲睇下餐牌，價錢比另外幾間新店平少少，而且唔使等，一於試下佢先。
甜尊的相片 - 深水埗)

火焰雪山就聽得多，但食就第一次。老闆拎上枱時已經覺得好靚，但無火嘅？老闆叫我地等陣，原來佢去左熄燈，係熄哂全間舖啲燈呀！
甜尊的相片 - 深水埗)

跟住淋上著緊火嘅冧酒，嘩嘩嘩，氣勢十足！！
甜尊的相片 - 深水埗)

燒左一陣啲火熄左，老闆就走去開返燈。外面係蛋白，入面有一坐山嘅雲呢拿雪糕，好甜加啲酒苦苦地都幾正，但份量太多好飽呀~
甜尊的相片 - 深水埗)

芒果窩夫

賣相不錯，芒果偏酸，芒果醬則超甜，芒果雪糕係一陣芒果精味，主角窩夫新鮮做起，外脆內軟散微温，但蛋味不夠，好一般。
甜尊的相片 - 深水埗)

士多啤梨心太軟，朱古力，綠茶味就見得多，士多啤梨就第一次見呀，試下先。
甜尊的相片 - 深水埗)

都好流心喎，士多啤梨果占味，好甜呀～
甜尊的相片 - 深水埗)

朱古力疏乎梨，好軟身，發得好大，功架十分！少少朱古力味，不太甜，有水準之作！

幾樣甜品都幾好，最有誠意真係熄燈點火呢下！！

轉頭已經全舖滿坐，原來都好旺場架。

============================================

感謝 yuchiro 提供以上資料

============================================

~END~

人均 $40.00

商店

甜尊


(0)	(0)	(0)