好味乳酪大大杯 SeeWide

今日放下晝，約左家姐同朋友出黎吹下水，女人堆，都係鍾意食甜品，揀左黎糖太子，貪佢近地鐵站，旺中帶靜。

下午時段，人唔多，黎到就擺左兩張四人枱，有兩位大肚婆梗係要坐得濶落啲。

有幾位友人未食午餐，佢地揀左午餐鋸扒，長通粉，焗飯等，我就已經食左野，揀左個下午茶餐。午餐包餐湯同一杯餐飲，下午茶就只包餐飲。價錢都幾抵食，午餐好大份架。
糖太子甜品的相片 - 油麻地)

芝士肉醬焗薯條($32)，賣相唔錯，用上厚身薯條，肉醬不過酸不過甜，帶少少香草味，味道確實唔錯，可惜肉醬有點少，不夠滿足所有薯條，且茄醬欠奉，餘下嘅薯條有點寡。
糖太子甜品的相片 - 油麻地)

連餐嘅花茶，不知為何點了好幾次都沒有送上，侍應有點游魂的樣子…是日是茉莉花茶，除了甜還是甜，花香是有的，但實在太甜，這個可跳不喝。
糖太子甜品的相片 - 油麻地)

食完鹹野就到甜品時間了，一黎到已經比餐牌上嘅乳酪吸引住，叫左呢杯藍鳥($42)，賣相幾靚架，但影左一陣相就滆了。
上面一大團乳酪，下要有粟米片，朱古力脆塊，再淋上藍莓醬，同藍莓粒，甜甜酸酸相當吸引，實左忍不住一啖接一啖咁火速ko左佢。
糖太子甜品的相片 - 油麻地)

同行友人叫了招月(左)，同白色戀人(後)，聽說同樣好正，下次黎試下第二款味先。

呢度啲西餐同甜品都好正，幾時先試得哂咁多樣呢？！

============================================

感謝 yuchiro 提供以上資料

yuchiro 的網誌: http://www.openrice.com/zh/gourmet/reviews.htm?userid=444085&city=hongkong

============================================

~END~

人均 $65.00

商店	(已結業)糖太子甜品


抱歉，發生點錯誤。重新載入


(0)	(0)	(0)