有家的味道的韓國菜 SeeWide

唔黎開都唔知原來大角咀咁多野食，今日黎左韓國媽媽到食午餐，主打無味精，食得安心！
韓國媽媽的相片 - 大角咀)

行過見到呢個餐牌，午餐四十八，價錢合理吖。
韓國媽媽的相片 - 大角咀)

一大堆唔同款嘅涼菜，自家制。

睇左兩睇，就決定入黎食，店很小，只能單行，可以揀坐bar枱，或門口裏唯一一張方枱。
韓國媽媽的相片 - 大角咀)

枱上有麥茶提供，微温，好香好飲。

午餐可揀兩樣小菜，我揀左辣蘿蔔，大荳芽，家姐揀左泡菜，甜薯仔。
韓國媽媽的相片 - 大角咀)

辣大荳芽菜，爽脆得黎粒豆又唔會過硬，少少辣，好味。
韓國媽媽的相片 - 大角咀)

辣蘿蔔，辣得黎帶少少酸，蘿蔔比較老身。
韓國媽媽的相片 - 大角咀)

泡菜，必叫！！真係好好味，同街賣樽裝啲好食十陪！！
韓國媽媽的相片 - 大角咀)

甜薯仔，仲以為會似蕃薯，但唔係，薯仔嘅口感帶少少甜，食左咁多辣野食返啲甜唔錯。
韓國媽媽的相片 - 大角咀)

我揀左辣豬肉飯，豬肉肥美唔算太辣，但個汁就幾辣下，搞到底部吸左大量辣汁嘅飯真係食唔到，自己本身又唔係太食得辣嘅，雖然係咁，但個辣得黎好好味，下次都係會叫番呢樣。
韓國媽媽的相片 - 大角咀)

家姐叫左炸雞飯，哈哈，黎食韓國野點可以無炸雞！雞即叫即炸，仲要出到黎無油，好犀利呀！少少黑椒調味，再點啲韓式辣醬，咁樣食一流呀！
韓國媽媽的相片 - 大角咀)

餐飲要左忌廉奶，一向都覺得呢隻野好好飲。
韓國媽媽的相片 - 大角咀)

原來有晚餐餐牌，啲款好似一樣喎，英文版menu哈哈~

老闆好熱情，員工又有禮貌，好溫馨，真係有媽媽嘅感覺呀。

============================================

感謝 yuchiro 提供以上資料

============================================

~END~

人均 $48.00

商店	韓國媽媽 Korea Mama


(0)	(0)	(0)