|
ｙｏ！OPPA哥哥燒肉店#_#v
|
|
siu_shan
2015-03-07
344
0
|
分享
收藏
| 聽講大埔有間好有特色的OPPA韓國燒肉店... 所以就同友人無啦啦去左大埔食宵夜，仲要食燒肉(晚上接近10點先去到～) 一坐低就發現有3部電視，有韓文歌又有韓劇，對於學緊韓文既小妹就係時候見識下，學多d野 ～ 未食野前已經發現有個勁型抽氣筒，係正燒烤位上面，咁就唔怕周圍都油煙啦。 有送既生菜，一問之下原來有2個用法：1. 包燒肉食；2.用來抺走燒loon左的位置 一黎到就咁多配料，我仲以為會好似酒樓咁加收十幾蚊，原來唔洗加公而且可以任食配菜(可以添加)！包括海苔，泡菜及豆芽。3樣我都幾鍾意，因為海苔咸咸地，泡菜酸酸地，配燒烤或單吃都一流享受！ 仲有一些燒肉的汁，有辣有唔辣任君選擇～ 雖然聽講佢最出名係牛，但因為當日唔想食牛，所以冇叫到(哭 ><) 今次叫左雞翼($48@4) D雞夠哂肥，好香～原來要分開一半燒既^O^先會快d熟～ 而且叫左雞腎($68@150g) 燒完好爽口，同平日街邊食既一串串雞腎好唔同。 而且燒完好香，就算唔加燒汁都好好味呢！ 叫左小小燒烤食物，當然想叫返一個湯，呢個係海鮮湯！ 但望落比較似泡菜湯，比較足料 原來都有D辣，如果平日唔食辣的話千其唔好點！一定飲唔到。 一大個湯可以夠飲4碗左右，4人去也可以一起SHARE^^ 除了點了雞類和湯外，也點了比較高價的銀鱈魚($138) 有這樣肥美的一塊。(其實是我最愛的一環啦) 講真，平日出去買都超貴，在這裡點$138非常合理。 而且燒出黎味道極香，未食過銀鱈魚既友人都大讚好味，很有魚味而且魚質鮮嫩，一咬即爛，叫我下次試下買銀鱈魚整比佢食(懶得整就再來食過，哈哈)。 燒好的銀鱈魚再加上店鋪的醬汁，是世上最好食的魚^O^ 除了食肉之外，當然要食一些素食來調和一下。 今次叫了$38@6的素菜餃，想不到樣子是篇平的。 (我一想就想到因為是比較易燒的關係，你呢^_^?) 燒好後非常香口，而且內面的素菜有幾款，味道很足，不用醬汁也很好味。 其實一開始坐下來的時候，店員就早已海苔，泡菜等食物放在燒烤板的一邊，然後加上打好的蛋漿，吃到大約半個多小時，蛋就熟了就可以食了！(也是不用錢的) 餐廳有麥茶提供，可是我們太貪喝，買了2次我們好少喝的飲品($12@1) 上面的提子汁有果肉；下面的味道就似雪碧^_^ 店鋪在做緊雪糕優惠($30買一送一) 當天友人想吃的士多啤利味沒有，所以選了雲哩拿，我就揀了朱古力～ 味道香滑的高級雪糕，LIKE! 吃了2個小時左右就走了(12:00am)，不是因為被人趕(他們2:00pm才收工)，是因為怕搭不到尾班車呀！整體來講，店鋪非常大方地送上任食的前菜及那個好味豐富的蛋，而且食物品質很不錯，雞翼肥美，雞腎爽口又香甜，素菜餃配料也絕不兒戲，特別是銀鱈魚不得不吃啦；店員也會定期過來幫你燒一燒，看看有沒有燒得不好或甚麼問題，也會自動添加前菜，非常好服務！ 2人大約共吃了$500，超級夠飽的。比平日吃的放題更加滿足啦。 假如你也想體驗一下韓式風味燒烤，絕對推介一試。
感謝 siu_shan 提供以上資料 siu_shan 的網誌: http://www.openrice.com/zh/gourmet/reviews.htm?userid=518721&city=hongkong
|
~END~
人均
$250.00
| 商店 | OPPA韓國燒肉店 OPPA Korean Restaurant (大埔店) |