這才是蒸功夫 SeeWide

上次去首爾旅行, 去逛當地街市<廣藏市場>!
位於地鐡站出口附近的<廣藏市場>, 地方很大, 地面很乾淨!
很多當地人在此購買食物, 日用品, 布料, 成衣.
而日用品家品的店舖更是令人眼前一亮!
金銅色的鍋具大大塊烤板
還有層層叠的銀色蒸氣海鮮鍋的爐具
當時未有時間體會當地人的9 層蒸氣海鮮塔!
回到香港後, 才知這是韓國近來的飲食潮流.
好多層的海鮮蒸籠叠在一起,
在客人面前即場蒸熟, 即時品嚐.
今天朋友就帶我去嚐試這種大堆頭大制作的蒸氣海鮮鍋了.
九重鮮的相片 - 大坑)

樓上的餐廳, 銀色枱面銀色餐具,
是韓式餐廳一貫的風格!
(在首爾几天, 好几家餐館都是這種裝潢呢!).

這個蒸海鮮, 又有其特定的標準:
上方有溫度計量度蒸籠內部溫度,
下方加熱器可控制固定爐溫,
另有沙漏以計算每層海鮮蒸煮的時間.
蒸海鮮都變得標準化!
難怪可以在彼邦遍地開花!

就坐不久, 朋友很快選了首嚐推介的<首爾塔>配人蔘雞湯.
職員呈上各款醬汁及前菜小吃.

稍後要動手品嚐魚蝦蟹, 先去了洗手間清潔雙手!
回來後, 枱面已放有1棟8 層的銀色蒸籠,
場面好震撼! 每層皆有不同的海鮮.
要對比MENU咁多款食材名稱, 係有少少難度!
魚蝦蟹蟶子蔬菜就好易認!
九重鮮的相片 - 大坑)

大大隻蟶子每人1隻
中間黑色的沙沙已清除. 餘下就是厚身的蟶子肉.

多膏沙巴肉蟹每人半隻
幸好是大大隻, 方便拆出BODY的蟹肉,
蟹肉真係好鮮甜,
其實烹調蟹, 清蒸才能保留原本的鮮味.
通常蒸蟹是原隻蒸,
蟹蓋在下, 蟹肚向天,
蟹的精華就不會流失.
而這次要制作粥底, 所以要斬件.
但斬件蒸熟都好好味呀!!!!!

大海蝦每人3隻
粗過手指, 仲有蝦膏呢!

鮑魚每人1隻
鮑魚底部果舊墨綠色的東西已被清除,
總之一啖放入口, 唔洗就住來咬, 好方便.

元貝每人1隻
元貝痴到個殼好實, 要用匙羹推出, 咁就一啖食到了.

花尾龍躉每人1件
清蒸, 無豉油, 可以食到龍躉的清甜, 魚肉的纖維及魚皮的膠質.

海螺一堆大家分享
要用竹籤勾出,
入口有陣甘味, 配韓國麵豉醬都几夾.