|
紫薯火鍋*Espuma
|
|
暴食小公主
2015-12-21
512
0
|
分享
收藏
之前都食過中環同尖沙咀既Espuma 覺得都幾唔錯 咁岩果日係灣仔諗唔到食咩 又突然醒起佢出左個新既甜品 所以就上左去開餐LA 招牌水果茶 $42 小公主好鍾意飲水果茶 呢到既水果茶唔錯 最特別係入面加左d Chia Seed 所以個茶飲落去會好滑 味道有果香，但唔會太甜 焦糖單骨雞翼 $68 呢個係我黎親espuma都會叫既小食 單骨雞翼食果時好方便 其實個焦糖無乜’燶味’，食落比較似糖漿 但個味同d香脆既雞翼真係好夾 炸物拼盤 $108 拼盤都幾大份 入面有:蠔，魷魚圈，risotto飯團仔同芝士球 每樣野有3件，所以都幾抵食 不過食物好似炸得耐左d 所以個面好硬好實 而蠔同魷魚圈都有d韌 香脆咸豬手 $218 睇menu張圖唔似咁大份 如果2個人去食 我建議大家叫左呢個，就唔駛再叫其他main 豬手個皮好乾身好脆，唔會咬唔開 d肉就好嫩而且有咸香，好食 香辣椒橄欖油大蝦蒜片意大利麵 $88 個意粉又係超大碟 意粉煮得岩岩好，唔會太硬/太淋 Aglio olio蒜味幾濃，可惜唔夠辣 大蝦勁多肉同好新鮮，好抵食 冬日限定:紫薯火鍋 $88 跟火鍋既配料有: 雜果，棉花糖，mochi，窩夫同芝麻泡芙 身為一個紫薯fans，見到個火鍋真係好開心 不過食到最後有dd失望 因為d配料好似同個汁唔太夾 生果同mochi本身就已經好甜 所以會蓋過左紫薯既味道 建議生果同mochi就咁食 其他先拎黎點個漿 另外紫薯漿其實好夠味，不過杰d應該會更好 其實成個concept都幾有創意 另外佢有個綠茶味比鍾意綠茶既朋友 小公主覺得呢到幾適合朋友黎gathering 因為食物份量夠大，多人黎share都唔怕 唔知係唔係因為當晚有張成10個人既枱 食物好似出得有d慢 同埋食物質素都無之前食咁好 如果想坐得舒服d同靜d 我會建議大家去中環店
感謝 暴食小公主 提供以上資料 暴食小公主 的網誌: http://www.openrice.com/zh/gourmet/reviews.htm?userid=58662494&city=hongkong
|
~END~
人均
$250.00
| 商店 | Espuma (灣仔店) |