隱蔽瀛食店 SeeWide

Happy Boxing Day！來到開心的拆禮物日，相信今年大家都應該收到唔少至愛親朋送贈的聖誕禮物。筆者和家人當然也不例外，不過拆禮物前，決定趁這天風和日麗，一家人到西貢走走。出發前，向來慳家的兒子提議先帶我倆去坑口吃頓既經濟、水準又不俗的午飯。吓！印象中坑口站附近商場的食肆，都是以連鎖店為主，吸引力不大，不過既然兒子有好介紹，反正又不用我動腦筋，就一於奉陪。
瀛 ‧ 日式料理的相片 - 將軍澳)

原來餐廳名字叫《瀛‧日式料理》，位於將軍澳坑口村，由坑口站穿過行人隧道步行過來，也只是 15 分鐘路程，不過如果連行多幾步都嫌遠的話，大家亦可以考慮轉乘 11A 小巴於坑口村總站落車。
瀛 ‧ 日式料理的相片 - 將軍澳)

雖然餐廳位置都幾隱蔽，不過地方唔錯，除了有室內座位外，門口亦擺放咗好幾列以啡木色為主的椅桌，不過見外頭涼風陣陣，我和家人還是決定選坐入面的梳化卡座。
瀛 ‧ 日式料理的相片 - 將軍澳)

入坐後，先細閱餐牌，嘩！原來這裡的精選午市套餐/定食，選擇比想像中還要豐富，共有 12 款，包括有蒲燒鰻魚定食、汁燒牛仔骨定食、和牛粒定食、三文魚親子刺身丼、海鹽燒鯖魚定食、吉列豬扒定食、滑蛋豬扒定食、和風牛肉定食、海鹽燒薩摩地雞扒定食、豚肉生薑燒定食、海鹽燒秋刀魚定食、拉麵或稻庭烏冬；而且售價只是由 $48-$88 不等，仲附送湯、前菜、日式蒸蛋及甜品，還要免收加一，難怪兒子咁極力推介喇！
瀛 ‧ 日式料理的相片 - 將軍澳)

點了和牛粒定食、吉列豬扒定食和蒲燒鰻魚定食三款，前菜是清脆爽口的醃漬蘿白，味道酸酸甜甜，用來打開胃口，就最適合不過。
瀛 ‧ 日式料理的相片 - 將軍澳)

接著是日式蒸蛋，茶碗蒸用料雖然唔算好豐富，只有冬菇、蟹柳和銀杏，但蒸蛋吃起來頗滑溜，質感既實在又富蛋香。

麵豉湯方面，先呷一口，味道雖說不上鮮甜，但入口濃而不死鹹，也算不俗。
瀛 ‧ 日式料理的相片 - 將軍澳)

來到主菜，先吃老公點的和牛粒定食 ($78)，牛肉粒切成丁方狀，分量看起來不少，一家人分享亦足夠有餘。挾起一試，和牛粒肉質雖然唔算好嫩滑，但食落牛味十足，配上惹味的燒汁，再與米飯伴勻一起品嘗，食味不俗。
瀛 ‧ 日式料理的相片 - 將軍澳)

至於兒子點的吉列豬扒定食 ($55)，分量亦同樣有睇頭，而且塊豬扒外層炸漿夠薄夠脆，挾起來皮肉相連，食落肉質既鬆化又唔油膩，即使擱久了也依然香脆，如果可以配點蛋黃醬吃，應該會更加香滑。
瀛 ‧ 日式料理的相片 - 將軍澳)

輪到我點的蒲燒鰻魚定食 ($88)，其實塊鰻魚唔算好大，但入口肉質肥美油潤、燒得夠曬火候，脂香豐富又啖啖肉，相當可口，水準的確唔錯。而老公就特別讚賞鰻魚面頭的蒲燒汁，說味道香濃得來更帶著點點甜味，令鰻魚吃起來加倍香滑，以米飯伴吃，既飽肚又滋味。
瀛 ‧ 日式料理的相片 - 將軍澳)

見柯打套餐加 $10 可以配日式炸餃子 ($10x2) 3 隻，所以也點了兩客試試。講真，餃子的外皮的確是有點過厚，但勝在肉汁夠多補番數，吃罷也不會太膩口及飽滯。
瀛 ‧ 日式料理的相片 - 將軍澳)

兒子話之前和同學吃過店裡的烏冬定食，覺得味道唔錯，而且訂價合理，反正一場來到，就多點一客芝麻雞翼稻庭烏冬 ($48) 齊齊分享。先吃烏冬套餐附送的沙律，入口爽脆清甜又帶點醋汁的酸香。至於烏冬配料方面，其實款式唔多，只有粟米粒和鳴門卷，而且溏心蛋 (+$5) 亦煮得有點過熟；不過烏冬質地好滑溜，吃起來有彈性又不糊口，配肉質嫩滑、灑滿粒粒芝麻的雞翼吃，滋味誘人。
瀛 ‧ 日式料理的相片 - 將軍澳)

飲品點了波子汽水 ($+8) 和味道酸酸甜甜的巨峰乳酸 ($+8x2)，用來配熱辣辣的烏冬，再加一客清新甜蜜的柚子雪糕作結，簡直是 perfect match，無論價錢和味道都很令人滿意的一頓 Boxing Day Lunch。

============================================

感謝 mjqueen7e 提供以上資料

mjqueen7e 的網誌: http://www.openrice.com/zh/gourmet/reviews.htm?userid=66478&city=hongkong

============================================

~END~

人均 $106.00

商店

瀛 ‧ 日式料理


抱歉，發生點錯誤。重新載入


(0)	(0)	(0)