韓燒燒靚牛 SeeWide

天氣涼了，想食下韓燒，朋友介紹左呢間位於尖咀嘅韓珍，上到黎環境清靜寛躺，全無油煙味，好難得有韓燒店沒播放着韓國歌呢。
韓珍的相片 - 尖沙咀)

環境昏暗有氣氛，中間還有聖誕樹，放左係路中心都唔會迫。坐低店員送上醬料同配菜，有燒汁，麻油海鹽，韓式辣醬，同好少有嘅綠茶鹽。簡潔餐具，每一樣都有寫住自家名字呢。
韓珍的相片 - 尖沙咀)

點完菜無耐啲熱盤就好快到，蛋pizza用鐵pan上，混入左芝士，雜菜，洋蔥等，富蛋香又有口感，最正係點燒肉就送，好味又抵食。另點了牛胸肉大醬湯配飯($60)，諗住淨係食燒肉唔夠飽所以加個飯，呢個湯飯好濃味，湯底鮮甜但食到底都幾多辣椒同真係幾辣，湯入面有肥牛、翠玉瓜、豆腐、洋蔥，金菇等，美味又足料。
韓珍的相片 - 尖沙咀)

朋友發版叫了三款肉，牛魔王嘅我地叫哂牛肉，哈哈，朋友話佢唔鍾意食豬肉喎。要了雪花肥牛($250)，特級牛肋肉($250)同牛肉眼($250)，一睇色澤脂肪就覺得正，急不及待想快啲燒了。仲有韓燒一定有嘅生菜都遞上了，呢度有紅生菜同綠生菜，清洗乾淨，一食完店員就會自動refill，正。
韓珍的相片 - 尖沙咀)

雪花肥牛，燒起幾正！！灼一灼已經好香肉味，咬落當然肉味濃郁，唔點任何醬料都已經好正，梗系要指定動作包生菜包啦。
韓珍的相片 - 尖沙咀)

接著就燒牛肋肉，燒起黎油脂散發甘香，又係灼一灼，燒太耐會左塊肉。最後燒埋塊肉眼，慢慢燒唔好燶呀，燒到咁上下熟再剪開佢，嘩嘩，好正呀～啖啖肉好滿足，手腳慢有啲燒耐左，但都牛韌真係唔錯，好味好味。
韓珍的相片 - 尖沙咀)

另外店員大力推介佢地新出嘅芝士仔($333)，見好似幾得意咁，自己又係芝士控，一於叫一份試下先。要左魷魚芝士仔，有大堆炸魷魚鬚下面仲有韓式辣醬調味過嘅牛肉，旁邊有不同嘅配料，奇異果，菠蘿，粟米辣椒，年糕，腸片，冬菇，火龍果等，好多好多。先放在gas爐上加熱，芝士則放左小小嘅鐵pan上加熱滆化，好，等食了。
等食期間加了飲品，要左一支brother soda($60)，波子汽水味加了少許酒精，只有3%，唔使驚聽日返唔到工喎，順便一題，我覺得個膠樽好靚
韓珍的相片 - 尖沙咀)

好啦好啦，夠熱食得，滆左嘅芝士真係無敵正，牛肉調味唔錯，齋食會幾辣，但溝埋芝士中和下啱啱好，炸魷魚鬚香口，估唔到同芝士又幾夾喎，配唔會配料食有唔同口味，一啲酸啲一啲甜啲，新奇又有趣呀～

店內大部份都係韓籍員工，只有少數會講廣東話，雖然佢地好熱心咁解釋每度菜嘅食法同特色，但真係有少少聽唔明呀哈哈，大家用身體語言吧～

============================================

感謝 yuchiro 提供以上資料

yuchiro 的網誌: http://www.openrice.com/zh/gourmet/reviews.htm?userid=444085&city=hongkong

============================================

~END~

人均 $600.00

商店	韓珍 (尖沙咀寶勒巷店)


抱歉，發生點錯誤。重新載入


(0)	(0)	(0)