.｡₀:✿ 開心價聖誕Semi Buffet ♥ Dorsett Cafe ✿:₀｡ SeeWide

每逢假日，我都會瞓到好晏，
聖誕正日都係啦，一早瞓醒至少九點幾，食Brunch 可說是最佳選擇吧！

今日去左位於大窩口同葵興中間的多盛酒店，因為我就好少行去嗰邊，都揾左一陣先揾到呀！呢度搞左個聖誕節Semi Brunch Buffet，主菜自選外，小食甜品都係任食嘅！

先拎左啲小食試下，

當中的蟹肉撻，細細件但鮮味幾突出，而且蟹肉都幾多，撻底也香脆，看得出有落心機做的。炸蝦丸就膩左少少，蝦多士好耐無食過啦，蝦肉彈牙又唔係太膩，上面加左芝麻粒，香口度大大增加。

自選主菜我要左燒火雞配栗子汁，叫做應下聖誕節啦！

我應該十幾年無食過火雞了，記得最後一次食，係同婆婆妹妹一齊食，鞋到一個唔太咀刁的細路（即係我）都頂唔順，之後我同媽咪講以後唔食啦！呢個就係我對火雞的回憶了！

呢度的火雞唔太鞋，都算嫩滑的，配栗子汁酸酸甜甜咁，開胃之餘都幾破格！

朋友叫左個三文魚扒配帶子，咁我分左一角，竟然唔熟（入口係凍嘅！）！我有問侍應，佢地話係咁，不過我好懷疑，結果我決定唔食！

聖誕節除左平時嗰啲奶凍，仲有聖誕節的獨有甜品，如Log Cake, 薑餅，乾果麵包等等....

當中Log Cake 樹頭蛋糕最得我歡心，質地鬆軟空氣感重，而又有適當的朱古力味，忌廉餡料甜度得宜，沒有一般Log Cake 過甜的問題，至於薑餅同蛋糕就硬左啲啲，蛋糕上層的糖霜比想像中硬同甜，真係一啖就收皮了！

整體來說，食物質料不過不失，
但以聖誕價人均不用$200就可以享受一個下午，都算實惠之選吧！

Dorsett Cafe
葵涌健全街28號多盛酒店地下

For Collaboration and Invitation,

Please send to : littlecatt@gmail.com

============================================

感謝 Kawai 提供以上資料

============================================

~END~

商店	Dorsett Café


(0)	(0)	(0)