|
呢間食肆，點解仲咁好生意？
|
|
井底龜龜
2016-01-06
438
0
|
分享
收藏
| 我呢個新元朗人，住元朗西鐵站嗰頭，個個星期都經過形點幾次，每次都見倒土司公房好好生意，有次曾經約左人喺果度飲左個下午茶，食左個叻沙米粉，飲左杯凍美綠，杯凍美綠好飲，叻沙米粉叫過得去，今朝趕時間，冇去飲茶，去左果度食早餐。 指定動作影下個環境，尚算乾淨企理。但由於係開放式餐廳，接近零私隱。 呢度叫野食係半自助形式，即係先落單俾錢，佢地自己送餐到你面前。 今日點左餐蛋公仔麵餐HK$35配熱美綠加HK$3，雞翼蛋公仔麵餐HK$35配熱薏米水加HK$6，傳統土司餐HK$34配熱鴛鴦，合共HK$113，點完先覺貴，食差唔多嘅野食，落番去天橋果邊嘅雞地茶記應該HK$80零蚊有交易！ 半熟蛋 先嚟嘅係土司餐裏面嘅半熟蛋，外觀同埋口感都近似温泉蛋，蛋味唔錯，有水準，但估唔倒呢樣竟然係當日唯一有水準嘅食物....... 跟住嚟嘅係3杯飲品分別係熱薏米水、熱美綠同熱鴛鴦。 熱薏米水 薏米水一般會有少少漿漿哋嘅感覺，唔知點解佢地呢杯好薄身，究竟係薏米唔靚定係佢地煲得大稀，真係唔知。面新呢杯加左一片檸檬，應該係想多啲味道令杯薏米水不致太寡，諗法好嘅，但做得差！得嗰一片，跟本吊唔起個味。 熱鴛鴦 熱飲未試過喺度叫，嚟到先知唔係跟袋裝糖，而係已經落左，阿媽飲鴛鴦唔飲太甜嘅，呢杯野又係劣評！ 熱美綠 到我果杯，甜度同味道係OK 嘅，但係濃度就唔多掂，比起上次喺度飲嗰杯凍美綠差好遠，係真正嘅期望越大，失望越大！ 餐蛋麵 率先嚟到嘅係食物餐蛋麵，隻蛋望落已經煎得好老！唔明佢地個早餐蛋就會整到半生熟，而麵嗰隻蛋就熟到靱，碗麵送到埋面前仲係一塊兼生骨嘅，連『揚』開都懶，我地係食住土司嚟等個麵浸諗嘅！浸左兩三分鐘，先開始食，開頭仲諗下會唔會係新架坡口味呢？點知原來都係普通超力貨色，兩片午餐肉味道叫做企理，呢碗野如果係HK$20幾連熱飲都叫勉強接受，成40蚊就真係離哂大譜！ 傳統土司 土司係整片牛油加咖椰醬土司，佢地叫得自己係土司工房，呢個土司應該係招牌，賣相叫做普通啦，食一啖味道可以嘅，但口感方面就不太恭維喇，麵包唔太脆，有啲靱，如果呢個係招牌，對唔住，佢地真係好刻意咁打爛左！ 雞翼蛋公仔麵 上圖就係我剛才所講，仲未揚開同好生嘅麵，關於麵同蛋嘅描述同上，講句對唔住都要鬧埋隻雞翼，炸到又乾又嚡，冇哂肉汁！ 總結： 唔知其他套餐食物會點，但淨係睇今朝食嘅野就夠哂趕客，真係唔明點解呢間野仲咁好生意！
感謝 井底龜龜 提供以上資料 井底龜龜 的網誌: http://www.openrice.com/zh/gourmet/reviews.htm?userid=59113883&city=hongkong
|
~END~
人均
$40.00
| 商店 | 土司工坊 Toast Box (元朗店) |