仲記得第一次去Burgeroom時仲未搬鋪，個時食左個軟殼蟹同蘑菇漢堡，還滿印象深刻的。今次係餐廳搬去名店坊後第一次黎，坐位多左，連外面露天都可以坐，闊落左好多。人流更是相當驚人和熱鬧，內外都接近爆滿，感覺還滿嘈吵的。坐室內傾偈的話都要鬥大聲，環境談不上舒適，不過為左美食這當然唔係問題啦! 

飲品櫃有多款飲品供選擇。

醬汁、紙巾、飲管和杯都可以自行出去拎。

餐牌上的食物分為牛肉、魚、海鮮、雞、鴨和素食漢堡，還有沙律、小食和飲品等，飲品連Latte都有呢!

另外仲有各種Toppings可以加，包括雞蛋、紫洋蔥、芝士、煙肉、牛油果、鮮蘑菇、辣捲心菜和酸瓜等，每款$10! 還有菠蘿、大烤菇、軟殼蟹、鵝肝和漢堡扒(牛/雞/魚)，選擇相當多! 豐儉由人，喜歡食什麼都可以再額外添加! 客人揀好食物後，需自行到收銀處落單，其後會獲得一個號碼牌，店員會陸續把食物送上。

Iced Peach and Iced Pineapple Fruit Tea $38/each

兩杯飲品價錢都唔平，但飲落味道真係較淡，都係飲返枝裝飲品較好。

Melted Cheese Twister Fries $48

平時見到麥記出呢款扭扭薯條都會成日幫襯，仲記得以前哈迪斯時代可以成日買黎食添，真係比普通薯條好食多倍。本身呢隻薯條已經好惹味又香口，呢度既仲會淋上半浴既車打芝士，味道更加錦上添花，好好食啊!

Double Foie Gras Beef Burger $230

這漢堡除了有厚身的漢堡扒外，還加了雙份鵝肝在內，同朋友一同分享仲可以每人分到一整塊鵝肝，材料十分豐盛，真係望見都覺邪惡呀! 

整個漢堡份量頗驚人，女仔一定食唔晒，食晒都一定飽到上心口。漢堡包括了兩塊鵝肝、芝士、牛肉、蕃茄、千島醬及生菜。要一啖咁咬確實困難，特別係女仔，此時刀叉便要出動嚕。

牛肉漢堡咬落充滿肉汁，咀嚼中會嚐到鵝肝那股幼滑細膩、油脂甘香的味道，令人欲罷不能; 反之主角牛肉的肉味比想像中淡，味道不算突出，不過整體黎講味道真係唔錯。

Lobster Burger $188

這龍蝦漢堡一端上來時，漢堡連埋龍蝦頭一同擺盤，那賣相確實頗有氣勢的，份量是同樣的大。食落啖啖龍蝦肉龍蝦肉，肉質不乾，入口鮮甜，還有些蕃茄莎莎和牛油果醬。

材料都是新鮮足料無誤，陣容鼎盛，但夾埋一齊硬係覺得有點不夾的感覺。

Burgeroom

地址: 銅鑼灣Fashion Walk食街百德新街50-56號地下D舖

(港鐵銅鑼灣站 E 出口)

電話: 2890 9130

營業時間: 星期一至日: 11:00-00:00

================================

(喜歡的，請按讚支持，是給我很大的鼓勵啊 )  

Connie's Food and Life Corner

   

============================================

感謝 糖小妹 提供以上資料

糖小妹的網誌: http://concon2016.blogspot.hk/

============================================