燒魂一族 SeeWide

有好一段時間冇食燒肉喇，
韓式食得太多就轉下食日式燒，
係銅鑼灣行行下拎左張燒魂族既傳單，
個FD都話想試下，就上左樓喇@@
黎到第一件事就係搵個靚位坐低～
燒魂族的相片 - 銅鑼灣)

雖然係樓上鋪，但門面設計得好獨特，好有日本以前既卡通風格
燒魂族的相片 - 銅鑼灣)

連室內環境都有，成個牆身都充滿顏色鮮艷既日本卡通，望落非常搶眼，
而卡位都排得整整齊齊，環境都算寬敞
燒魂族的相片 - 銅鑼灣)

因為係燒肉放題，所以大家嗌得好隨意，而且佢都有幾多部位揀，當然係乜都試下喇XD
仲有飯有火鍋，不過我地目的係燒肉所以就冇揀到

沙律幾新鮮，味道鮮甜，份量岩岩好，值得一試

嗌左幾舊壽司，唔敢嗌多，味道都唔曾，但花之戀唔夠凍

豚肉好快熟，味道都香口，好易窿底所以要注意，味道唔錯

到我地既重點黎喇！牛肉盤～～
燒汁黑毛霜降和牛，香濃既燒汁，同牛肉既味道配合得岩岩好，
又唔會蓋左陣味，燒到岩岩熟就已經可以食得！
黑椒一口牛肋條，燒完黑椒味幾重，口感煙韌好食，要讚一讚～
安格斯一口牛，一啖過實在太好，牛味夠濃，好多肉汁，牛肉就係要再黎一盤！

多春魚，要好小心燒，手殘既話一定甩皮甩骨，不過味道夠惹味，春食落好爽口
大蝦，幾新鮮，肉都幾多但有啲韌
蜆，放係爐邊邊慢燒就好，但啲有夠細粒，食完好似冇食咁
燒魂族的相片 - 銅鑼灣)

燒呀燒，個爐好易搶火，多肉汁既盡量唔好放中間
燒魂族的相片 - 銅鑼灣)

藥水味重左少少，溝出黎而唔係鮮榨，而且味道都太甜了，仲要加錢的，唔太建議

============================================

感謝 chickenandpp 提供以上資料

============================================

~END~

商店

燒魂族


(0)	(0)	(0)