初次接觸墨西哥菜 SeeWide

成日食黎食去都係果幾國菜，的確會想轉下新口味。
今次有朋友帶左我去食新野，
入到去先知原來係墨西哥菜，食落又幾驚喜～
Andy's Garage的相片 - 大坑)

係對面街既時候，仲諗緊係米食印度野，但行到去又唔似係

Andy's Garage的相片 - 大坑)

環境唔算太寬敞，比人一種寧靜既氣氛，入面仲有草叢位，感覺好似去左森林咁

Andy's Garage的相片 - 大坑)

因為唔太熟悉墨西哥菜，所以大部份菜色都由朋友黎點，
佢話要我試下地道啲既菜色WO，咁我當然願意喇～

因為我同佢都唔太好酒，所以大家都揀左mango Colada，
飲落好有芒果既鮮甜，口感澀澀地，明顯係新鮮即榨，味道一啲都唔酸～
但可惜既係，原本嗌左走冰，但黎到係有冰，因為月事就到..所以飲完就出事了q_q

寶雞翼，以秘制墨西哥汁製成既雞翼，
份量唔算多，$88得四隻，但味道就出奇地讚好，
雞翼好大隻，比平時食開果啲長身好多，肉質都幾嫩口，
味道酸酸甜甜，加上利用乳酸製成既配醬，食落開胃又惹味

墨西哥牛肉玉米卷配墨西哥飯及焗豆，朋友話依個係墨西哥人既主食，
雖然話就話配墨西哥飯，但我完全搵唔到飯既蹤影，
有三件玉米卷，入面包裹左好多焗豆、洋蔥、醬汁、牛肉等等

外賣唔算吸引，但味道就一流！除左用料新鮮，味道亦好夾！
玉米卷包左好多材料係入面，表面仲有一層厚厚既芝士覆蓋，
食落飽肚之餘，醬汁既調味令個牛肉粒既味道好出，
玉米卷個皮夠薄，食完都唔覺heavy

香辣蕃茄汁海鮮長通粉，依個望落十分吸引，
雖然話墨西哥人食野會偏辣，
但我唔食開辣既都完全接受到佢地既程度～
蕃茄汁調得好香，而且帶少少辣，令味道更加鮮

海鮮既材料未算最好，因為佢地用料既蝦，食得出係冰鮮蝦仁，
唔係好大粒啖啖肉果種，如果轉用鮮蝦應該會更加出色～
但味道醬汁都調得岩岩好！整體黎講，初嚐過墨西哥菜之後，
我都幾中意佢地既菜色，不過唔知墨西哥既餐廳多唔多呢～～
今次朋友帶我黎食，果然冇跟錯佢xddd

============================================

感謝 chickenandpp 提供以上資料

============================================

~END~

人均 $250.00

商店	Andy's Garage


(0)	(0)	(0)