我哋啱啱嘆完HELLO KITTY中菜軒! 食得飽飽之後就起程我哋下午既節目喇

[飲飲食食] 佐敦 Hello Kitty 中菜軒



我哋喺地面門口直接入去! 因為一入去就可以去埋厠所同埋香港故事個入口就喺地下呢層


一入到去門口楝咗個牌寫住只可用手機影相

但係我不嬲用單反同埋呢度好暗一定要閃燈, 知道唔用得就好Down

但係影吓影吓發現冇人阻止我, 我就繼續...heee


大家都應該好熟識呢度, 不過芊芊就第一次嚟! 哥哥再嚟就開始夠大個去認識咩叫「原始人」





之後妹妹好大方咁借部機俾哥哥繼續影!








其實呢度都唔知點解要咁暗! 而且哥哥越行就越眼瞓!

我開始用我一知半解既知識嚟講解俾哥哥知

話俾佢聽呢度係元朗既特色, 呢D燈籠叫「子孫燈」


跟住媽咪發現咗有個雜貨舖模型製作工作坊

免費唔駛錢, 即時報名入去玩就OK

我哋咁啱嚟到撞正4:30開始另一場工作坊, 又未滿20人, 就即刻諗都唔諗入去玩吓


呢度用咗林村做佈景! 其實係職員哥哥派咗D雜貨舖模型卡紙俾我哋

然後砌番個立體模型出嚟!


妹妹當然未識砌, 所以只係喺側邊攪攪陣, 不停叫我幫佢搣膠紙



大功告成!! 原來呢個模型係真有其物, 職員哥哥話俾我哋知一陣行去上面個層就會見到






之後我哋入咗去睇短片, 係咁E講吓邊個叫林則徐俾哥哥知道!



哥哥問點解D炮彈放喺度唔會爆, 但係放入炮裡面射出嚟就會爆炸既? (唔識答tim)




令人懷念既郵筒! 佢哋都唔知身後一排紅色牆原來係信箱!




哥哥望緊以前既電話! 諗番依家我哋拎住既iPhone, 佢都完全唔明! HHHaaaa...



我哋頭先砌既雜貨舖, 真有其舖呀!!


哥哥配合得好好!



我同哥哥講呢個就係古代既老師! 同埋跪喺地上既學生!



芊芊主動叫我幫佢影相! 好攪笑, 自己搵咗個位坐低叫我影


芊芊最鍾意既電車!!! 叮叮叮











最後佢哋兩個見到張櫈仔就要過去坐

明明有幾張係都要爭...呢D就係兄妹!


呀劍評分: 7分