|
簡單愛
|
|
技巧樹熊
2016-01-14
539
0
|
分享
收藏
| 朋友都問我，你平常夜晚吃得這麼好，為什麼下午你會悶蛋? 悶蛋的原因，是因為夜晚日日有唔同嘅好西食，但係悶絕香港嘅太古城，我日食夜食都係兩間Food Repulic嘅鋪頭。 其中一間係蕃滿門，另外一間就係雲貴川。 聽聞這個原店係土瓜灣，食左幾次先知道，我一直想試下總店之味道。 雲貴川係大食代其中一個我最喜歡的食肆，同蕃滿門對比，我唔知點選，我想難分高下，就好似從前譚詠麟和張國榮之爭一樣，大家有大家的粉絲。 每天我都係吃呢個酸辣米線，下午茶餐係$25，然後你可以叫餸，要多美麗有多美麗。 准我一生也愛你一個，準你心意屬我，期望你跟我，長路也走過，平時我外賣，想寫過幾多萬次，只不過外賣影得太核突，結果一路冇寫。 我長期愛吃的就是腐皮，蘿蔔和冬菇。 我絕對沒有改變過自己的習慣，好專一咁食佢就食佢。 先講湯底，佢個湯底係有再煮過炒過的，特別熱騰騰和美味，酸辣是絕對的好，惹火之餘又開胃，又酸又辣，無限吸引，只不過唯一不好處係幾多油。 米線冇乜特別，份量適中，每條都因為同湯係鍋到煮過，特別吸味，自然好食一點，始終誠意分都贏左。 蘿蔔係好大舊嘅切法，不過坦白說，一直以黎唔夠好係因為唔夠淋，雖知蘿蔔好吃淋同"索"湯係重要元素，不過近來蘿蔔越做越好，今日就不錯。 冬菇又係大大舊，這個是不能自拔的愛上，冬菇算是淋得來有口感，軟綿綿咬下去就會噴射出那酸辣湯底，正。 還有腐皮係最愛最愛，雖然不是樹記，但腐竹多到唔洗錢咁叫我這些腐竹狂迷就是欲罷不能。 今天難得有同事陪我吃飯，咁開心就點多個雲耳，辣味的佢會加上麻油和辣椒油，還有那些芫茜，這個冷盤令我想起那個連鎖米線店的美味。 雖然，這裡還不及我心中最好的長沙灣米線，但這裡絕對也是頭三名最愛，在多少過疲倦身心的日子，佢會陪我走過左好多，簡單愛，就是陪你走過快樂與不快樂的日子，你都會因為有佢而開心。 大食代 Food Republic 太古太古城道18號太古城中心一期3樓308號舖
感謝 技巧樹熊 提供以上資料 技巧樹熊的網誌: http://www.openrice.com/zh/gourmet/reviews.htm?userid=718688&city=hongkong
|
~END~
人均
$52.00
| 商店 | (已結業)Food Republic |