|
2015世紀相聚。飲早茶+金坊(泰飯堂)
|
|
Yanomi
2016-01-13
833
0
|
分享
收藏
12月29日(星期二)~昨日大馬好友..同baby笠+小奧全日遊玩 見連續3日小寶+細表都早起身~依早叫佢地放心瞓到自然醒 反正我要早起身..煮早餐比老闆食~到九點多..預先換好衫 等佢地起身通知我..就即刻出門口~因為佢地住荃灣區酒店 好快可以meet到~依早先同佢地去"如心廣場 - 彩晶軒"飲茶 等佢地慢慢點完食物~之後開始傾下依幾年大家既生活 平時大家唔多係網上交談~始終各有各忙自己生活ma 但估唔到好多事情~隔空既生活經歷都好似(感覺太神奇) 小寶本身較靜~但依日都聽佢講左好多野..比早幾日多啊(哈哈) 依款"椰絲脆麻花"..完全唔係我想要果樣食物 脆麻花唔鬆脆~外形又紙咁薄..味道完全唔討好 反而"炸鯪魚球"ok~真材實料無膨漲劑又大大粒 不過口感就比較實..唔夠鬆軟 食下傾下講下..唔覺唔覺飲左兩個半多鐘~唔阻佢地時間 下午自由活動..等佢地有私人時間去想去既地方(夜晚再約食飯) 平時佢地成日聽我地去"金坊(泰飯堂)"~依晚就同佢地試下 因為佢地都好鐘意食泰菜~地點又近大家返酒店/屋企(勁方便) 唔駛講野..老闆最愛~啤啤佢先! 老闆book定1月同同事去食~話訂完房..應該可以坐耐d(哈哈) 不得不讚..飯堂d食材真係好新鮮又有水準 細表出發前..應該想試飯堂個"燒扇貝" 反正我地無叫過..點個齊齊試下 牛油香草醬好香~雖然個殼焦燶..但扇貝肉粒好鮮嫩(正) "芝士蝦丸"..同老闆一齊呢~依d我無機會食架(鳴) 因為佢唔算like芝士~好在細表+小寶好like芝士 所以唔鬼理老闆~點個齊齊試下 蝦丸比預期大粒好多~同埋每粒芝士都好豐富 咬一口..芝士多到呢! 包裹晒d門牙~超勁正! 老闆話叫既"燒魚" 燒得好靚..入面魚肉仲保持到肉汁 之後掛住同細表傾計~第2次望條魚..吓?! 剩返條骨?!(嘩哈哈..勁!) "咖喱大蝦"..份量都有6隻 因為覺得食蟹好麻煩~所以點大蝦 :p 唔叫印度薄餅~因為大馬既好食過香港好多 點兩客"蒜茸包"..伴咖哩醬 細表話想試下炒飯..點個"菠蘿帶子炒飯" 最後送甜品~依晚大家既話題不絕~講講下..仲講鬼故 真係超勁恐怖! 攪到我成晚諗住..心慌慌瞓得唔好(哈哈) 唔覺唔覺..係飯堂坐左3個半多鐘~可能熟客算無趕囉 食完..就各自返酒店/屋企~聽日繼續"世紀相聚"(好開心呢^^)
感謝 Yanomi 提供以上資料 Yanomi的網誌: http://www.yanomichung.blogspot.hk//
|
~END~
| 商店 | 彩晶軒 V Cuisine (荃灣分店) |