其貌不揚的食肆, 分分鐘禾稈冚珍珠! 看似隔涉的地方, 原來由大窩口散步過去也不用10分鐘. 正正望實熊貓酒店一直行就到.

主打外賣的「鮑記大食部」, 阿太一望到就細細聲:「要企係度食㗎?」富仔聽到即答:「唔好意思, E排食環捉得好緊要, 可能要坐高凳食...」(我:嘢食好味先係重點)

(鮑記最好賣係咩呢?), 阿富即時回答:「一定係魚蛋, 叔叔, 姨姨, 學生仔行過都食, 我自己都得閒就食幾粒, 因為真係好食麻」

我:「老實講, 真係同粉嶺四眼仔有得Fight, 好食喎」, 富仔:「我哋最初試咗好多款, 先揀到E款魚蛋, (我:有咩秘方㗎?), 油炸, 拖一拖油就好啦, 最緊要唔好長期浸住水」