抱歉,發生點錯誤。
重新載入
激鬼氣,食碗綠豆沙下火
井底龜龜
2016-01-14
298
0
分享
收藏
收倒一個類invitation email,話FxxdMx Gurx 同埋Chxxe呢兩間搞Apps 嘅公司聯合搞左個So called Party 嘅東西,話會邀請一啲有名氣嘅food blogger 出席,又話有野飲、canapés 同埋macaron 等小食,啱啱開始寫Food Blog ,諗住去睇下邊啲係出名嘅Food Blogger,仲叫左兩個朋友陪我去,睇下野,飲杯野點知就好似收費台嘅法正哥咁講 : 出事喇!

去到要download 佢地apps 跟住先好似乞兒咁有杯野飲,同場嘅人來自好多唔同嘅領域,有出版社、一啲唔係寫food 嘅blogger、一啲F&B 行業嘅人等等......,但大家都唔知呢兩個主辦單位搞乜,除左係咁要求賓客用佢地嘅Apps 抽獎,跟本冇任何活動,又冇介紹過任何在場嘉賓,我地幾個唔熟個Apps ,跟本唔夠快去抽,仲有佢地只係俾左每人一杯野,啲野食有侍應送到面前,但坐左大半個鐘先得果兩個Round ,我有個朋友話佢地嘅野食超小家,坐左唔夠一個鐘就走左,我地等到另外一個朋友到場,打左個招乎就走左。

同朋友豪哥一齊出去,佢叫去消夜,仲話嗰間野嘅海帶綠豆沙好正,嗰晚我晚飯其實食得好飽,不過覺得好似呃左個朋友出嚟咁,就去坐下,順便請埋佢食消夜,彌補一下我嘅錯!佢帶我由Bungalow 餐廳一直行到位於伊利近街2號嘅玉葉甜品,一去到環境係我點都估唔到嘅!自己細個都係屋邨仔,掃街篤篤下,踎街邊坐矮櫈有乜未試過,點解會有啲O咀?咪就係啲枱櫈係擺左喺20-30 度斜坡上面囉,我坐喺張櫈上面好右邊身就好自然咁斜向右邊,感覺都幾奇怪,不過唔緊要,啲野好食就乜都補翻哂!
玉葉甜品的相片 - 中環)


枱櫈擺左喺20-30 度斜坡上面 - 中環的玉葉甜品)

玉葉甜品的相片 - 中環)

玉葉甜品的相片 - 中環)
我晚飯食得好飽,叫左碗朋友極力推介嘅凍海帶綠豆沙,朋友叫左碗豬手麵,跟手亦叫左碗凍海帶綠豆沙。

豬手麵 HK$28


豬手麵 - 中環的玉葉甜品)
由於食唔落喇,所以冇义對筷子去夾嚟試。就咁睇嗰幾嚿豬手超好肉,朋友話經當嚟食,豬手焾滑,入哂南乳味,豬手爽滑而不膩,麵爽湯甜,果晚得12-3度,幾凍下,我諗食住碗熱辣辣嘅麵其實真係會好好feel,朋友口中呢碗麵係極品。

海帶綠豆沙 HK$13


玉葉甜品的相片 - 中環)


加入左薏米嘅綠豆沙增加左滑漏感 - 中環的玉葉甜品)
望下個外表,海帶好大塊好多,仲有平時食綠豆沙見唔倒嘅材料薏米,食一啖先,唔會太甜,加入左薏米嘅綠豆沙增加左滑漏感,海帶成大塊放入口食起上嚟好爽好正,但食左兩啖之後就發覺自己越食越凍,因為嗰晚得12-3度氣温,而且碗野係凍到有些少碎冰,有啲冰天雪地食雪糕嘅感覺,自己年紀唔細,真係唔似同行朋友咁壯,一的都冇話凍,雖然當晚天氣同環境確係唔太襯呢碗綠豆沙,但碗野味道同口感都絶對上等!我當晚嘅滿腹恕火亦被佢完全撲熄

食野嘅同時我留意倒檔口一直只係得一男一女中年人喺度做野,我同旁邊朋友講:嘩呢兩公婆都好犀利,睇哂成個檔口。佢同我講: 佢地兩個由朝早11點一直做到晚上2點,淨係過年先休!唔係fa,咁勁?即刻問檔口事頭婆,我問 : 『事頭婆,你地收幾點 ?』佢話其實已經收左,平時收晚上12點,見有客做埋先收檔。我又問: 『咁開幾點?我朋友話你地冇請人又淨係過年先休息,鐵人一樣喎!』佢答 : 『唔係,有請一個人中午幫手,檔口逢紅日休息。』雖然朋友頭先講大左,但呢對夫婦真係好堅,由朝做到晚超過15個鐘,大佬佢地望落成六張幾喇,超人一樣嘅體力真係令我配服到五體投地!


總結:一對中年夫婦,憑驚人魄力,喺佢地自己嘅事業領域裏面打出一片天,充份咁體現出香港人嘅拼搏實幹精神,同今晚果啲組織鬆散,以為自己好勁、欺世盜名嘅誇大公司嘅作風,真有天淵之別!


============================================

感謝 井底龜龜 提供以上資料

井底龜龜 的網誌: http://www.openrice.com/zh/gourmet/reviews.htm?userid=59113883&city=hongkong


============================================

~END~
人均 $27.00
商店 玉葉甜品 Leaf Dessert