|
新派點心*飲茶 Yum Cha
|
|
暴食小公主
2016-01-12
877
0
|
分享
收藏
| 2015既最後晚餐同家姐揀左去「飲茶」 講緊係尖沙咀新開既點心餐廳 呢到係賣新派中菜同點心 最最最吸引人既當然係佢既卡通點心啦 未食野之前睇下d裝修先 裝修比較現代modern 唔單止裝修靚 D餐具都好別緻，個碗入面有條金魚仔架 話明飲茶又點可以無茶 呢到冇得揀香片普洱 茶入面有d玄米都幾香 落單方面就係寫點心紙既 唔講咁多，叫野食先 沙姜雞 (小吃拼盤 $109選3款) 沙姜雞好夠味，而且d肉好滑 係份量細左d，得4件左右 橙棍冬瓜 (小吃拼盤 $109選3款) 呢個係冷盤黎，一條條既就係冬瓜 望落去橙色係因為加左橙汁 個配搭係幾新鮮不過我地都唔太鍾意 橙汁味太似芬達(好假) 所以食落有d奇怪同唔太夾 小花青瓜 (小吃拼盤 $109選3款) 都係冷盤黎 用左d仲連住頂花既bb青瓜 青瓜幾爽甜，頂花其實就冇咩味 不過個醋太酸，所以扣左少少分 睇住流奶 $49/3件 跟住就到個個去到都會叫既卡通流沙包喇 個樣真係好得意 仲可以用唔同既方汰惡攪佢tim 哈哈 個包雖然細細個，但都好鬆軟 一咬落去d奶皇就會流哂出黎 (真係湧出黎，要小心) 而且奶皇好重蛋黃味但又唔肥 呢個包真係色香味同創意都有齊 一籠八戒 $49/3件 另一個必點既卡通點心就係呢個豬仔包 入面就係叉燒餡 不過個餡得好少，而且d叉燒好鞋 而且個包好薄，唔似傳統果d咁鬆軟 所以叉燒包好似都係傳統果d好食d 珍珠雲吞 $59/6粒 雲吞一口Size，食既時候好方便 餡係白菜豬肉 鍾意佢d菜無切到勁幼 食落仲有咬口，唔錯 恐龍排骨 $79 因為座上2個男士係食肉獸 所以就叫左呢個蝦醬炸排骨比佢地 一開始小公主對呢個菜係無咩興趣 點知一食就停唔到 雖然佢用左蝦醬，但個味唔會勁濃或咸 而且炸得好酥脆，推介 近墨者黑 $89 其實係墨汁炒飯 D米既質素幾好，圓潤同較煙韌 而且都炒得幾乾爽 係會食到幾污糟，同男/女朋友去食就要小心喇 羽衣甘藍 $99 羽衣甘藍係新興既健康蔬菜 本來以為呢D菜正係可以用黎做沙律/JUICE 估唔到咁樣清炒都好好食 質地比較爽口，有D似芥蘭 菜味比較濃，我地幾個都覺得好食 棉花糖+紅豆奶凍 (甜品拼盤 $79) 就係紅豆椰汁糕上面加左棉花糖 味道就冇驚喜架喇 都係比你用黎影相呃下LIKE 綠茶朱古力 + 糖不甩 (甜品拼盤 $79) 張圖係唔係好有仙氣呢 (哈哈) 雖然睇係好特別，不過食落就真係一般 糖不甩其實係芝麻湯丸 唔食芝麻既朋友注意 Elderflower & Lime Cider Strawberry & Lime Cider ($59 Happy Hour 買一送一) 呢個牌子Cider好好飲 唔會死甜同好清新 由其是elderflower平日唔多見 記得要試下 Virgin Mojito $59 呢杯係家姐既Mocktail 佢一開頭飲話有d奇怪 後來知道原來冇落糖 之後問佢加番個味就岩哂喇 小公主幾欣賞佢地好有心思 由餐具到菜名到presentation都有設計過 (連牙簽筒佢地有留意架) 不過食物質素真心唔平均 希望食物可以再改進下 同類型食店，我覺得唐宮小聚好食d 推介比一眾鍾意相機食先 同埋有小朋友既朋友
感謝 暴食小公主 提供以上資料 暴食小公主 的網誌: http://www.openrice.com/zh/gourmet/reviews.htm?userid=58662494&city=hongkong
|
~END~
人均
$200.00
| 商店 | 飲茶 (尖沙咀店) |