|
慈雲山街坊小店
|
|
kelvinfoodki
2015-09-03
383
0
|
分享
收藏
店內裝修幾靚幾精緻，心心係夜晚真係好突出，好易搵 幾位姐姐係入面準備 我地今次食既３樣野 焦糖布甸椰皇子(7.5/10)($49) 不論係慈雲山，深水埗定沙田，佢地既椰王子係必叫之選。椰皇子可選暖暖地同埋凍，但大家黎到絕對叫凍會好食啲。焦糖布甸帶蛋香，伴住點點焦味，唔會過甜過膩，布甸本身好有動L彈力，入口好滑。椰汁好清甜，底下內有乾坤，有佢地好特別既椰王水啫喱，但foodki對呢個底下既啫喱就唔係太鍾意，覺得被上面既椰青味道掩住，但的確有驚喜，層次亦更豐富，都算唔錯啦！其實椰皇子仲可以畢到椰子肉食，一道細細既甜品有咁多唔同既野食的確係值得一讚既。 OREO飄雪冰(6.5/10)($58) 用一個茶煲載住OREO冰，KEEP住噴煙，好似煲滾水咁，啲煙係乾冰黎，真係有創意得黎又可以keep住啲冰凍！原塊OREO加上OREO碎配上韓式牛奶冰，OREO 味道唔洗多講，配上牛奶冰，岩曬香港唔係人住既天氣爽下。牛奶冰味道較淡，但冰好幼細，配上甜甜地既oreo配合的確不俗。份量都算多,兩個食就岩岩好! 除左oreo，仲有伯爵茶，芒果，原味等等既味！ 侯爵72心太軟(7/10)($36) 心太軟以一個杯仔裝住，可以話係甜入心既特別之處，以防止朱古力漿流出黎，以幾種朱古力混合既心太軟朱古力味好濃，都幾甜下。表面香脆，食心太軟最正既地方就係表面香脆表面配上朱古力兩重朱古力享受，滿意。雪糕唔易溶，雪得岩岩好，加埋心太軟食真係好FIT。如果大家唔鍾意杯裝既心太軟都可以叫佢地比舊版架。 入面超軟心同超濃 佢地免費提供既花茶,每間分店都有。
感謝 kelvinfoodki 提供以上資料 kelvinfoodki 的網誌: http://www.openrice.com/zh/gourmet/reviews.htm?userid=58271625&city=hongkong
|
~END~
| 商店 | 甜入心 (慈雲山店) |