|
港島第一綿綿綿粥
|
|
kelvinfoodki
2015-03-12
364
0
|
分享
收藏
| 生記粥品@上環 粥呢樣野而家好多後生仔已經唔鐘意食，可能覺得呢樣野悶，無乜味。但係生記粥品就絕對可以改變你既睇法。 生記粥品。Foodki認為，呢間粥店絕對值得你特登入去食。生記多數時間都係要排隊入去食，可想而知，生記真係幾咁好食，值得顧客山長水遠走入去排隊食粥。 出左地鐵之後，大約行10分鐘。生記有幾個舖位，除左粥之外，仲有清湯腩河食，但大部人都會嗌粥食，因為太太太太好食。 炒米粉(6.5/10)$14 生記既粉米粉真係好正， 乾身又唔油，有生菜絲，豬肉絲，榨菜絲，炒埋一碟，香而不膩，foodki好鐘意食榨菜，所以加啲啲分啦哈哈。可惜係當日foodki夜晚七點半先到，碟米粉已經有啲凍，不過都算係另外一種風味既。 魚腩雞粥(8/10)$47 生記粥底好綿好軟，鮮甜至極，火候十足，煮到米花爆開曬。份量足料材料正，大大碗粥彌補到價錢偏貴既問題。有唔少食客覺得碗粥太稀，但foodki就唔鐘意食啲杰papa既粥，呢個＂濃度＂岩曬我。食完完全唔口乾，就知道真係真材實料，讚！！ 魚腩 鯇魚腩，超好味，塊魚腩超大舊，大到一隻匙羹都唔夠擺。最重要係魚腩超新鮮滑而不腥，咬入口陣陣魚味。加埋薑蔥醬油，真係天上極品，點解可以咁嫩咁好食架！！就算唔點都係非常好食，強烈建議，唔鐘意食魚既都要叫魚腩黎食！！ 雞 一樣超大塊，都係好嫩好好味，雞油少少加上超綿粥底，令粥更多一份鮮味，都係無得頂！！ 薑蔥醬油 薑蔥醬油係魚腩粥既最佳拍檔，將魚腩點點豉油，味道即時出現大變化，好好味。除左點豉油外，亦可以選擇加豉油落粥到，亦都係一種唔同既食法，讚！ 題外話/補充資料 價錢有少少貴，不過份量大都OK既
感謝 kelvinfoodki 提供以上資料 kelvinfoodki 的網誌: http://www.openrice.com/zh/gourmet/reviews.htm?userid=58271625&city=hongkong
|
~END~
人均
$50.00
| 商店 | 生記粥品專家 |