超級好味豬扒米線 SeeWide

臻味豬扒酸辣米線@牛頭角
foodki係牛頭角番工，一眾同事最愛食既米線絕對係呢間"臻味豬扒酸辣米線"，價錢唔貴，又超級好食，所以我地lunchtime成日去食，甚至有住係觀塘既同事日日放工都去食，可想而知呢間米線係幾咁好食。
臻味豬扒酸辣米線的相片 - 觀塘)

foodki 12點到，位置就係牛頭角道，地點唔算好難搵。
臻味豬扒酸辣米線的相片 - 觀塘)

價錢算平，foodki強烈推薦食酸辣米線，唔好食其他，由其＂酸辣撈＂係伏黎。
臻味豬扒酸辣米線的相片 - 觀塘)

辣另上
臻味有樣野好方便食客，就係可以叫辣另上，即係話，你可以自己選擇辣度，唔會出現太辣，大中小辣唔對辨，唔洗加錢。臻味既酸辣都係會麻，所以怕麻既人唔好落咁多，廢事個嘴麻到震曬。呢兜辣絕對係臻味既靈魂，酸菜真係好好食，咬落口係爽架，好開胃，加埋辣得好過癮，最正係落幾多都得，食到foodki流曬大汗，但係真係好爽。
臻味豬扒酸辣米線的相片 - 觀塘)

豬扒腩仔酸辣米線(8.5/10)$38
唔好睇少呢塊豬扒，豬扒foodki試過香港好幾間，呢間係好高質。豬扒炸得軟硬適中，外脆內軟，醃得非常唔錯，又無影響豬扒本身既肉味，真係好好食，就算淋左湯都唔影響佢既美味。腩仔，有口感，肥瘦適中，索曬湯既味，好正好正好正。蔥同花生加上本身既酸辣湯底，好食一流。可以叫多蔥同多花生。foodki每次到臻味，老闆都係舖頭，呢樣真係值得一讚，老闆係舖頭，員工點敢偷懶，所以臻味就keep到個質素，食客源源不絕。
臻味豬扒酸辣米線的相片 - 觀塘)

食完出番黎排曬長龍，真係好誇張。

============================================

感謝 kelvinfoodki 提供以上資料

kelvinfoodki 的網誌: http://www.openrice.com/zh/gourmet/reviews.htm?userid=58271625&city=hongkong

============================================

~END~

人均 $38.00

商店	臻味豬扒酸辣米線 (觀塘店)


抱歉，發生點錯誤。重新載入


(0)	(0)	(0)