|
滷水鵝下午茶
|
|
oasiswong
2016-01-22
614
0
|
分享
收藏
不知甚麼原因, 在九龍區, 甚少見這種裝潢光鮮的茶餐廳式潮州菜..., 而香港區, 尤其是炮台山和北角一帶特別多. 九龍區, 要不是大排檔形式, 就是一般的茶餐廳再兼賣滷水食物.... 好奇ah..., 要再了解一下... 潮州鹹菜, 不是鹹酸菜, 沒有"酸", 味道不算強烈, 更帶一點甜味和薑茸的香味, 爽脆, 有汁, 不單是開胃前菜, 也可以送粥, 甚至會用來煮餸菜, 用來熬豬肚, 平價海鮮加了潮州鹹菜來煮, 可除掉腥味, 味道更好. 來潮州店, 食潮州魚蛋是常識吧.... 潮州魚蛋點解咁出名....?? 也都是常識...., 沿海環境, 海產豐富, 魚蛋特別鮮味, 又夠爽口彈牙.... 至於...食潮州魚蛋...是否一定是"魚蛋粉"...??? 咁就梗唔係啦.... 哈哈哈... 手打魚蛋, 真材實料, 軟綿, 香滑..., 據聞...某名店老闆咁樣樣講.... "正宗的潮州魚蛋, 彈牙是次要, 後生仔女 唔識食, 淨係知道要彈牙..., 彈牙...就無魚味囉...." 鮮魚起肉, 攪到變成魚漿, 據聞again..., 軟漿要最多工夫, 所需時間長, 打好後還要放一會, 待乾身一點, 變成中漿, 而如果不是新鮮魚, 就做不成軟漿, 一不留神, 加熱耐了, 又或乾得太快, 魚蛋都會變差... 其實不應稱為蠔仔粥, 應該稱為蠔仔湯飯, 皆因不是廣東粥那種綿綿質感, 潮州粥 就是最適合 我這種不喜歡煲至綿爛口感的人.... 粥內的蠔肉, 體形雖然不大, 但外表飽滿, 食落鮮甜嫩滑, 也放得份量頗多, 伴以肉碎、土魷、芹菜、葱花, 足料鮮味. 滷水鵝, 滷水是靈魂, 如酒一樣, 是陳年佳釀, 每天加入配料, 浸鵝同時也吸收鵝肉味道, 經年累月, 是精華, 還等緊滷水鵝上檯之時, 與店員吹水, 師傅即斬的鵝, 上檯前才滷汁淥鵝, 保證新鮮熱辣... 雞有雞味, 鵝有鵝味....是常識吧, 但滷水鵝有鵝味呢? 似乎難度高一點, 滷水鵝要做得有鵝味...又有滷水味, 的確難度...., 滷水不可以太鹹, 才不會蓋過鵝的味道, 這店的出品有八十分以上, 滷水雖然略淡, 但不失清香, 鵝味與滷水味, 完全平衡, 不知是否與店員好傾, 竟然是鵝髀肉, 美味肉厚, 肉質嫩滑也帶嚼口, 伴碟的滷豆腐也夠淋夠滑, 好滿意.
感謝 oasiswong 提供以上資料 oasiswong 的網誌: http://www.openrice.com/zh/gourmet/reviews.htm?userid=85184&city=hongkong
|
~END~
人均
$150.00
| 商店 | 潮樂園 |