設計餐廳*Silver Room
|
|
暴食小公主
2016-01-26
585
0
|
分享
收藏
男友早排見到呢間Silver Room之後就話好想試 所以就約埋家姐姐夫一齊去喇。 Silver Room既大廚係日本人 不過曾經去過意大利學廚 所以呢到賣既係帶日本風既意大利菜 Silver Room係TUVE酒店入面既餐廳 所以係裝修設計方面都同酒店一樣咁有型 雖然餐廳唔算好大間 不過由門口到洗手間都好有特色 (如果大家去食真係一定要去睇下個廁所,哈哈) 我地係去食LUNCH既 LUNCH SET有5個選擇 3個PASTA - $120 同2個肉食 - $200 SET入面已經包左湯OR沙律同埋餐茶 價錢方面其實唔算好貴 野食未到之前玩下D餐具 原來連餐具都係揀番日本牌子架 是日餐湯: Minestrone 當日因為好凍,所以我地4個都揀湯 雜菜湯飲得出D材料好新鮮 不過小公主就覺得酸左少少 但個麵包就一致認同好好食 因為個面佢用橄欖油輕輕烘過 所以食既時候暖暖地如埋好脆 Spaghetti with Pancetta/ Mozzarella/ Basil/ Tomato Sauce 落單既時間店員推介呢個pasta,所以就試左喇 果然唔錯,因為麵條係homemade既 所以比起出面既麵更有彈性 我鍾意食硬身d既pasta,所以覺得唔錯 不過家姐佢地覺得可以淋番d 個醬雖然只係得蕃茄同芝士 但因為個比例調得好,所以好好食 而且basil既香味唔會太勁,好似食香草咁 Spaghetti Aglio E Olio with Dried Whitebait/ Spinach/ Cherry Tomatoes 一般既Aglio E Olio一定會落好多蒜頭 不過呢個就唔太覺 反而魚乾既咸香同鮮味好重 (不過唔係咸魚果種咁勁) 加埋D超新鮮既菜同蕃茄 真係色香味同驚喜都有齊 不過個麵都係偏硬,係比Al dente更硬 我個人覺得無問題,不過如果你比較偏好軟身既麵 可能落單果時可以同佢講聲 Sauteed Sword Fish with Parmesan/ Almond Crumble/ Gorgonzola Cheese Sword Fish煮得唔錯,D肉唔會散/鞋 同堆材料本身好,所以食落好有魚香 但個汁可能因為用左Blue cheese 個味比較重,食落有d咸 如果調味可以輕手番d應該會更好 Organic French Chicken Cutlets with Fresh Tomatoes/ Balsamic Vinegar 用左麵包糠包住雞肉再煎 麵包糠豐富左雞肉既口感 不過雞肉有d Over cooked 雖然係咁,切果時都仲係好有彈性 蕃茄同個汁同白肉都好夾 每個SET加$20就可以試埋個甜品 我地當日既甜品係Chocolate and Pear Mousse Cake Dark Chocolate Mousse味道好香濃,質地亦夠滑 下面既梨味道清香,同重味既朱古力有個對比 亦都令個Cake無咁heavy 唔鍾意太甜既朋友都一定岩食 最後就上埋咖啡同茶 黎呢到食野唔單止可以欣賞佢地既食物 餐具都一樣好有心思 好似個杯咁,其實係斜架 而且裝糖同牙簽既容器都好特別 我地星期日下午去人唔算多 而且環境同服務都好好 食物雖然有進步空間,不過整體食得出係有用心 如果想同另一半搵間靚靚地又有特色既餐廳 我都好推薦大家黎試下
感謝 暴食小公主 提供以上資料 暴食小公主 的網誌: http://www.openrice.com/zh/gourmet/reviews.htm?userid=58662494&city=hongkong
|
~END~
人均
$200.00
商店 | Silver Room |