櫻花開，開燦爛 SeeWide

兆萬中心的放題店真的越開越多，見派傳單位哥仔咁落力，又黎試下呢間新開嘅櫻花，主打中日放題，睇下有咩好野食先。
櫻花中日放題的相片 - 旺角)

第一round，梗係叫刺身、壽司啦，選擇種類都幾多，三文，希靈，北極貝等，厚切新鮮。壽司至愛火灸，好肥美正呀，仲有新野嘅黑松露壽司，鍾意黑松露味一定要試！另外仲有叫蟹籽沙律同大蝦沙律，麻醬正！
櫻花中日放題的相片 - 旺角)

飲品有一般汽水同康師傅系列，如果唔鍾意飲炭酸飲料，可要求要熱茶㗎。跟住黎左卡邦尼西蘭花，牛油粟米，日本蕃薯仔，蕃薯仔真係好甜，無得頂。
櫻花中日放題的相片 - 旺角)

京蔥一口牛，呢個一定要叫！蔥爆得香口，牛極富牛味，即叫即整熱辣辣，仲好味過酒樓啲。
天婦羅、紫心香芋丸、小丸子等，炸物一般啦，不過油已很好。
日式咖哩焗青口，咖哩味好特別，唔錯喎。
櫻花中日放題的相片 - 旺角)

金菇肥牛卷、雞軟骨串、雜菌、炸餃子等，不過不失，個雞軟骨餃子幾好食，encore左。
櫻花中日放題的相片 - 旺角)

焗扇貝，好大隻！！個醬汁好得，一定要叫，好正好正！
士多啤梨骨，夠火候，又係即叫即炒，調味好好，好食過大排檔呀。
雪花肥牛鍋，湯底清甜，食番啲菜balance啦。
鹵水牛肚，呢樣唔得，無鹵水味，又凍又硬咁。
櫻花中日放題的相片 - 旺角)

炒蜆，又係即炒嘅，好正，爆得香又入味，唯有砂扣分了。
七味雞翼同蜜糖雞翼，兩樣都唔錯。
牛肉生姜燒，唔知點解食落有啲干炒牛河feel，都好好味。
牛舌，爽口入味。
櫻花中日放題的相片 - 旺角)

最後係甜品了，芝士年糕同炸綠茶餅，個綠茶餅食落個味似香蕉糕好香甜。燒菠蘿，雪米滋，雪糕杯等，仲有幾特別嘅麥提莎糯米滋，可惜甜品每人限叫三樣，我要大量encore麥提莎，好好味呀

總括黎講野食選擇多，味道唔錯，坐位ok，店員收碟極快，上菜速度ok，價錢唔貴，有下次。

============================================

感謝 yuchiro 提供以上資料

============================================

~END~

人均 $160.00

商店

櫻花中日放題


(0)	(0)	(0)