|
那個青蔥沒有大尾督
|
|
技巧樹熊
2016-02-10
508
0
|
分享
收藏
無論中學，大學，工作，相信你地都會試過採單車呢個活動吧。 而香港為數不少的單車徑，東涌長洲元朗屯門沙田，我相信十個有十一個都會踩過沙田去大埔呢一帶，如果hardcore 啲，就一定會再踩過去大尾督，之後佢地會做的不離三件事。 燒烤，串燒，泰國野，燒烤，串燒，泰國野，燒烤，串燒，泰國野，燒烤，串燒，泰國野，燒烤，串燒，泰國野，燒烤，串燒，泰國野，燒烤，串燒，泰國野，我諗你點都會試過其中一樣，如果你同我一樣都係最愛這這古老擴音機或者是前後出世的朋友們，你們一定和我一樣總會踩單車後做過呢幾樣野。 去那個串燒檔是這幾年的事吧，燒烤應該最長青，而食泰國野就係較傳統的青蔥歲月活動，那個年代人人都說這裡吃泰國野好出名，我唔知點解，但呢度同九龍城一樣係另一個泰國集中營，曾經google過有乜原因，但係還是原因不明。 無論點，係三度呢個天氣，入到黎大尾督，燒烤串燒個人會結冰，泰國野當然是不二之選，而且熱辣辣的泰國野絕對適合驅寒，朋友剛巧來到燒烤，佢這佢屋企門口都結冰，你可以想像今日大尾督沒有青蔥的回憶和歲月，只有冰一樣的寒冷。 幸好，我們還有熱帶的氣氛圍起這裡讓我們沒有這麼凍，今天選的就在其中一間我未吃過的-芭提雅。 坐下來就整杯鮮檸蜂蜜生薑茶先，當然生薑茶係保暖之選，有生薑茶你又點需要擔心怕冷呢。 吃泰菜必選的是泰式燒豬頸肉 $88 ，最重要的靈魂係個醬汁，不過燒豬頸肉燒得香噴噴，豬頸肉厚切得黎又煙韌。 秘醬無骨豬手 $128 ，說得秘醬個醬汁當然唔係咁簡單，無骨豬手最適合我呢啲懶人，豬手肥大肉厚，切開一片片都能夠感受到，吃到底還有菜苗為你解膩，多細心。 芭提雅燒鷄 $118半隻 和芭提雅海南鷄 $118半隻 ，一冷一熱，無論邊種溫度都吃到雞肉的嫩滑，你會忍唔住連雞皮都食埋，我個人喜歡海南鷄，那種鮮味較為立體而又出色。 又酸又辣的冬蔭功 $178，絕對是我等了一天的嘉賓，寒冷的天氣一定要飲呢啲咁暖身的冬蔭功，加上大大隻蝦肉係裡面，本身寒風刺骨都一下子被融化了，如果Elsa係度，我會毫不猶豫給她一碗冬蔭功，這樣便冰都可以let it go吧。 泰式炒椰菜苗 $80 ，不用多說，炒椰菜苗嫩綠又健康，青蔥的歲月過去了，又怎能沒有綠色的東西點綴人生。 跟住落黎的酸辣海鮮拌炸木瓜 $88 ，炸木瓜個口感好特別，我唔識形容，但再配合一點酸酸地的芒果絲，成個味道和感覺都好好，再唔係那些簡單的青木瓜沙律。 主角終於出場，泰式曹池珍寶大頭蝦，$228有二隻，你可能會話貴，但我覺得絕對物有所值，個隻蝦長過我隻手，那些蝦頭的肉爽口又大舊，但最美味的是那些蝦膏，加上那個秘製的醬汁，基本上你如果用手吃真是滋味到不行，吃一隻已經令我完全飽肚。 點知，朋友可能驚我地太凍的關係，等我地食飽少少，仲叫左份薄餅，沾上那些有蝦味的醬汁，食三塊都唔夠仲想encore，可能天氣太凍的關係吧，雖然人身在大尾督，看到門口外的單車鋪突然青春感滿瀉，個當我想起我今天吃到爆錶的時候，我就選擇飲多杯鮮檸蜂蜜生薑茶... 那個青蔥的年代會沒有大尾督呢，今天叫我想起七八年前的回憶，那個時候應該瘦二三十磅吧....那些青蔥的年代如果我早點遇上這大頭蝦和冬蔭功，我應該一個人也可以KO佢地..... 可惜，青蔥已離我很遠，雖然大尾督還在。 你的青春有多少個大尾督呢？ 芭堤雅小廚 Pataya 大埔大尾督69號A地下
感謝 技巧樹熊 提供以上資料 技巧樹熊的網誌: http://www.openrice.com/zh/gourmet/reviews.htm?userid=718688&city=hongkong
|
~END~
人均
$250.00
| 商店 | 芭堤雅小廚 |