蒸氣火鍋 @ 有蒸氣海鮮石鍋專門店 SeeWide

天氣寒冷，最好與朋友去打邊爐，近排甘興食蒸氣火鍋，我地當然也趁熱鬧，今次由朋友帶隊去位於天文臺道的有蒸氣海鮮石鍋專門店食飯.

平日較少到這邊食飯，原來也有一些食店.

這裡除了有蒸氣火鍋外，有提供私房菜，貪心的我們，當然兩樣也試下.

先點避風塘茄子粒，咕嚕肉和杏汁豬肺湯.

避風塘茄子粒.
有蒸氣海鮮石鍋專門店的相片 - 尖沙咀)

上檯已經香味撲鼻.

茄子切成細細粒，容易入口.

茄子本身味道較淡，但用左避風塘整法，即時惹味左.
有蒸氣海鮮石鍋專門店的相片 - 尖沙咀)

而茄子質感適中，不會太軟身.

咕嚕肉.

這個咕嚕肉外層帶微脆，醬汁剛好包住整件肉，甜度適中.

內裡的肉夠嫩滑，有多汁，不會覺得硬，而且仲啖啖肉，絕對是外脆內嫩.
有蒸氣海鮮石鍋專門店的相片 - 尖沙咀)

一口氣食了兩款較濃郁的菜式，飲番個湯除去油膩感，我地點了杏汁豬肺湯.

整這個湯最需要耐性和時間，豬肺清洗得好乾淨，入口時完全沒有怪味，仲帶點彈牙.

個湯好清甜，飲的時候好香的杏仁味道，飲完後，喉嚨非常滋潤.

飲完湯，又食了小菜，係時候食蒸氣火鍋.

粥底我地揀了小份的南瓜滑雞粥底.'

'
有蒸氣海鮮石鍋專門店的相片 - 尖沙咀)

食蒸氣火鍋，我地多數主打海鮮，今次點了剁椒蒸扇貝，黑松露和蒜蓉粉絲蒸蟶子皇和雞油蒸鮑魚.

剁椒蒸扇貝.

扇貝幾大隻，色澤又夠靚.
有蒸氣海鮮石鍋專門店的相片 - 尖沙咀)

蒸熟後，一打開蓋已聞到好香.

扇貝面一早放了蒜蓉，椒粒，所以已經夠味，好鮮味.
有蒸氣海鮮石鍋專門店的相片 - 尖沙咀)

黑松露和蒜蓉粉絲蒸蟶子皇.

我自己好鍾意食蟶子，所以點了兩款口味, 蟶子皇不得了，好大隻.

由於加了黑松露，所以特別香. 而傳統蒜蓉味也好味, 能帶出蟶子的鮮味, 兩款口味, 我還是會選擇蒜蓉味.
有蒸氣海鮮石鍋專門店的相片 - 尖沙咀)

肉質爽口又彈牙，不能錯過粉絲，它吸收晒精華，原汁原味.
有蒸氣海鮮石鍋專門店的相片 - 尖沙咀)

雞油蒸鮑魚.

鮑魚好飽滿，並在鮑魚面放上薑絲和雞油，也細心地界好，令鮑魚更易熟.

蒸熟後, 鮑魚好鮮味. 肉質又夠彈牙, 因為放了薑絲, 能除去腥味.
有蒸氣海鮮石鍋專門店的相片 - 尖沙咀)

最後, 當然要食個粥, 因為所有海鮮的精華流晒落去粥到.
有蒸氣海鮮石鍋專門店的相片 - 尖沙咀)

粥非常鮮甜, 味道已經足夠, 不用加任何醬料, 所以食蒸氣火鍋, 幾飽也要留肚食粥呀.
有蒸氣海鮮石鍋專門店的相片 - 尖沙咀)

原來打卡會送神秘優惠, 今期是象拔蚌仔或甜蝦刺身, 大家唔好錯過.

============================================

感謝 sky_0721 提供以上資料

sky_0721的網誌: http://www.openrice.com/zh/gourmet/reviews.htm?userid=504491&city=hongkong

============================================

~END~

商店	有蒸氣海鮮石鍋專門店


抱歉，發生點錯誤。重新載入


(0)	(0)	(0)