京式片皮鴨&油鴨臘味煲飯
|
|
問米婆
2016-02-03
1631
0
|
分享
收藏
今晚約了才子在觀塘晚餐, 又要計劃下<今晚食邊間>的問題。 可是APM很多餐廳都要等位,座位亦較迫狹, 所以選擇去鱷魚恤大廈(一棟大廈有几家中式酒樓)。 才子建議去玉桃軒,於是先去上去拎位。 7點來到,即可入座開茶,職員很快呈上茶壺及小食。 枱面已放有几款彩色餐牌, 真係好多款式,價格真係几實惠! 而自己最想食片皮鴨呢! 成功慫恿才子選這個片皮鴨, 再加個臘味飯及青菜。 京式片皮鴨 先上大蔥,甜麵醬,青瓜段及餅皮。 然後職員推著車仔,有刀&脹卜卜的鴨。 職員當場切片,片皮鴨排得靚靚上碟。 每塊都剛剛好,有皮有肉。 要自己動手包片皮鴨了。 鴨油香,麵醬甜,大蔥辛香, 青瓜的清爽剛好中和鴨皮的油膩。 食到一半,二人已經開始飽了! 片皮鴨真是比較適合多人分享。 油鴨臘味煲飯 雖說這是二人份量的飯,其實是足夠三人份量呢! 打開煲蓋只見白飯,而油鴨,臘肉,臘腸及膶腸,還有菜心另外碟上。 煲內的白飯軟棉棉,飯焦不明顯, 近煲邊位置也没有金黃脆脆。 飯粒已吸收了臘味的香味,再淋上豉油,撈勻來吃! 四款臘味之中,比較喜歡臘腸及膶腸,油香很濃! 上湯蒜子浸豆苗 每餐來一份蔬菜,夠健康。 餐後送甜品 南瓜西米露 今晚三款食物,仲可以把餘下的臘味飯拎走。 下次食中菜,真係要搵多几個飯友。
感謝 問米婆 提供以上資料 問米婆 的網誌: http://www.openrice.com/zh/gourmet/reviews.htm?userid=50320141&city=hongkong
|
~END~
商店 | 玉桃軒酒家 (觀塘店) |