|
精選文章重温 - 演唱會 小小攝影心得分享 ^^
|
|
森里
2013-12-25
2052
0
|
分享
收藏
演唱會 小小攝影心得分享 ^^
早前有朋友仔影演唱會﹐綜合自己少少經驗﹐加埋網上調查﹐得出以下影演唱會 GEI 心得俾大家 ^^ 希望幫到大家演唱會都影到靚相 白平衡 (white balance) 演唱會舞台燈光令照片更加吸引﹐ 所以選擇適當白平衡會直接影響相片的感覺 舞台的燈光變化萬千﹐係呢種複合光源下 自動白平衡模式 (auto-white balance) ﹐ 往往會同所看的有很大出入 日光白平衡 (Daylight)﹐照片的顏色就最接近原來的燈光效果 (recommend 快門設定 教教大家一樣野叫安全快門﹐假設影一件死物﹐當焦段變更﹐要影出來張相清楚唔濛茶茶,快門要保持係安全快門以上﹐當然有D人手定D or 用了腳架就可以更慢。安全快門適合大部份手持影相用家 e.g 就 以朋友仔用的機為例﹐相機由 28mm 到 560mm, 係 28mm,安全快門 1/28 即係相機大約 set 去 1/30(s) 咁這張相就會 sharp, 若果去到 200mm , 安全快門就要 1/200(s), 去到 560mm, 就要去 1/500s 因為朋友仔用緊果部機有放手震 (放手震就係為了減低安全快門而設的) 就以 200mm 下, 沒有放手震功能﹐就要 1/200s, 但有了防手震就會變成 1級防手震 1/200s -> 1/100s 2級防手震 1/100s -> 1/50s 3級防手震 1/100s -> 1/25s 大部份有防手震的相機都有3級防手震, 即係 當妳係 200mm 下 1/25s 已經可以﹐不過呢D都係理論性數字﹐因人而異。 不過現演會﹐表演者唔係死物﹐佢會走來走去﹐跳來跳來 XDDDD 所以呢 當主角﹐企定定時﹐ 1/60s - 1/100s 當主角,行來行去, 1/100s - 1/160s 當主角, 跳來跳去 (跳慢舞) 1/200s (跳慢舞) 1/320s 快門提升﹐ 一係較大光圈/ 提高iso, 妳用果部機 iso 為 Auto / 80 / 100 / 200 / 400 / 800 / 1600 / High ISO 個 人不 suggest High ISO, 1600 可以的話盡量都不要用﹐因為都會幾多 noise的﹐不過濛茶茶的相﹐還是微粒操D﹐但相片清楚﹐我就會揀後者 ^^ 因為張相 BLUR 左﹐冇得搞﹐反而多 noise, 仲有計 (多noise 都有 FEEL ga ^^ )﹐ 就算妳拎來曬相﹐1600 iso 其實都 OK 的 測光 點測光 (Spot)﹐ 對演出者的臉 (因為 spotlight 會集中係演出者身上﹐ background 通常好暗)﹐用這個模式確保演出者塊面唔會 OVER千其唔好對頭髮同衫﹐好大機會會測光錯誤。 曝光 用 manul mode, 即係可以自由調較光圈同快門﹐ 以妳部機﹐光圈由 F2.8 - F5.7, zoom 得越遠﹐光圈就會越細﹐相對快門就會減慢才會曝光正常﹐我通常做法就係揀左對焦點﹐測一測演出演的臉﹐跟住調較 光圈同快門﹐影一張 preview 再 adjust,通常一首歌光源強弱唔會變化太大﹐所以 setting 正確就可以一路影﹐影幾張再 preview下﹐冇問題又繼續﹐事關同一首光源變化唔會太大﹐同一個 SETTING 都可以長時間用的 自動對焦情況 用單次對焦﹐ SET連拍 拍攝演唱會時會使用單點單張拍攝的對焦方式，因為演唱會場的人物走動範圍不大，單點對焦會增加對焦準確的成功率。 防手震 - 記住開啟 器材篇 可以的話最好一支單腳﹐若果只得三腳﹐不用開晒﹐當單腳﹐會幫助不少﹐又冇咁累 電池 嘻嘻, 記住用新電池 (令多一SET 就最好 :P) 早前妹夫去影演唱會﹐影左一陣發覺舊電冇晒﹐呢D情況真係慘啊﹐所以有兩手準備就最好呢 記憶卡 最好有兩張﹐ 用前format 一次 閃燈 唔好用閃去影﹐ 不過大家應該都知﹐只係版便提提大家 ^^ 閃燈太遠閃唔到﹐沒有用﹐但最緊主係影響演出者又閃到四周的人 :P 精簡篇 - 日光白平衡 - 點測光 (spot) , 對人面 - manual mode - 光圈有咁大開咁大 - 行行企企 1/80s - 1/125s - 跳舞 1/200s - 1/300s - 單次對焦﹐ 較連拍 (多幾張揀下 ^^) 我唔係影過好多演唱會﹐以下就係在下的作品 ^^ 第一次影的演唱會 ﹐當時係 2008 年 ﹐D300新機落地﹐買了 120 位 @@ 係亞博﹐位其實算唔錯﹐就算 120 位都唔係太高炒﹐加上阿旺個台識升高升低﹐有D水平﹐有D低炒 200MM x 1.5 (d300 crop factor) 300MM 出來效果算好好呢 ^^ 呢張應該有 CROP 其實D DANCER 都不錯的﹐有時除左影歌手外伴舞的都可以一試哦﹐不過因為 DANCER 通常都冇乜 SPOT LIGHT 照住﹐近歌手果D可能會食到D 光﹐所以影 DANCER 通常要較高 ISO﹐光圈盡開 除左歌手﹐DANCER﹐場景都好靚GA﹐都可以用 WIDE 鏡影下的 ^^ 第二次影就係 KELLY 啦﹐150 飛﹐山頂 第二十九行﹐YELLOW ZONE﹐視角真係唔多好﹐高炒﹐冇立體感﹐不過用 200MM + D300 CROP 少少都見得下人的 2009 年 第三次影的﹐因為有朋友邀請一起睇﹐茶實我對佢地三個冇乜興趣的 =_=’‘ 唔係預先約定朋友﹐我情願係日本睇多幾日櫻花好過 呢次 450 飛﹐肉痛到死 >__< 位置仲唔係咁好﹐記得應該大約10 -15 行之中﹐同舞台水平﹐但係前面 FANS 棒棒﹐都幾遮 GA﹐所以一係坐頭幾行﹐避過 FANS﹐一係就高過 FANS 區﹐再用長鏡 呢輯相一般﹐加上果時 MON 過暗﹐所以出來好多相都 OVER 幾多下﹐不過又冇乜心機去再處理 @@ 係呢個位﹐其實水平幾好﹐有立體感﹐但有FANS 棒棒﹐300MM 影舞台中間都勉強直相全身 @@’‘ 伊館 JOB 相﹐即係可以係地面走來走去 XDDDD 所以效果理想 所以話器材緊要之外﹐位置才係王道 @@ 位體感﹐散景﹐水平下出來最滿意﹐但係一般大家坐紅館﹐有幸識朋友拎到靚飛﹐基本上係冇得買的﹐頭幾行 @@ 但有令一個問題﹐頭幾行因為大多會比歌手水平低﹐所以會有低炒鼻哥 =_=’‘ 真係有好有唔好啦 近排影的VIVIAN﹐坐第十八行﹐水平還可以﹐不過真係遠左D 水路﹐若果有 400MM 會好好多﹐可惜我得 200mm x 1.5 @@'' 200mm x 1.5 只能影到大約 距離﹐VIVIAN 離台中間遠少少 呢張好D﹐SAMMI 比較近我果邊台﹐不過都睇到高炒出來表演不好﹐加上當時部 D300 應該有D問題﹐對焦唔係太準確 -__-’‘ 借用朋友 PETER SO 的相﹐佢係演唱會達人來﹐器材﹐位置都超正﹐佢座 GREEN ZONE 第五行﹐用 300MM 2.8 X 1.5 去影﹐超級大頭啊 話樣野俾大家知﹐以紅館來說 通常都係 green 區最好. 綠閘/對正 control panel 九成無衰﹐歌手大部時間都會望的﹐其它區就。。。 更新多少少: 20 APRIL 2011 位置少少經驗之談 紅 館為 GREEN ZONE 最有利﹐歌手一半時間面向呢個方向﹐距離﹐雖則話握手位最好﹐但係好多時舞台比較高﹐下下都鼻哥﹐就唔多好啦 @@ 令一個問題就係所以舞台地面的燈光效果﹐基本冇晒...... 下下打大頭﹐冇乜意思呢﹐全個演唱會﹐舞台設計﹐燈光都係重要的一環﹐主角配上全個舞台 + 燈光 ﹐相片才有氣氛。 不過坐得前有到好﹐就係鏡頭不用太長焦距﹐就以頭五行﹐用 70-200MM 已經應付有餘﹐若果第一行﹐仲可以係距離用魚眼/ ULTRAWIDE 的鏡影﹐呢D係冇可能係其它位實在的。 見過一張容祖兒相﹐就係近距離 ULTRAWIDE﹐主角加上在場數千以上的螢光棒棒﹐感覺超酷啊 ^^ 個 人覺得最好位置不在地面 480 飛﹐反而 280 前排飛最有利﹐因為位置上同主角成水平﹐又可以影到舞台的地面。不過鏡頭運用就可能需要 300MM x 1.5crop factor 左右啦﹐若果 FF 機﹐以主角係台中間﹐用盡 300MM﹐直相的話﹐高度應該都填唔滿。但係個人覺得其實可接受的 ^^ 買飛少少經驗之談 優先飛 係唔等於一定有好位 GA﹐就以 480 為例﹐唔好以為有頭五行﹐就算有都唔會係正面﹐可能係死角位 @@‘’ 上網買飛位置與大會堂/通利 不一置﹐上網你可能見到有第10行﹐但去到大會堂/通利就會冇﹐唔係俾人買左﹐其實係個 SYSTEM 做左手腳。。。。 所以大家買飛可以 CHECK 晒兩邊先 頭一日買飛﹐最好就排隊 @@ 我有一次排隊買網球比賽﹐大約 8:30 就開始啦﹐但係前面已經有十幾人等緊買 CONCERT。。。。。 果日係何CC﹐咁大家認為一D E神﹐華仔會有誇呢。 想買到靚飛﹐唔係排第一﹐你都唔好諗住買到 ﹐排第一果D係大手大手咁買 480﹐280 。。。。。 一買可能係成萬交易的。。。。 =_=‘’‘ 打電話/上網 XDDDDD 唔洗諗﹐ SYSTEM 會係呢段時間永久 BUSY 的。。。 買飛都係排隊啦 ^^ 器材: 若果冇 DLSR 機/EVIL 機 用 DC/PROSUMER 機﹐得唔得呢﹐我覺得係得GEI﹐不過因為呢類機 光圈大多都比較細﹐若果好以 canon s95 有 F2.0 就緊係好啦。但一般都係 F2.8 - F5.6, 加上大多 ISO 都一般﹐咁即係快門都唔會太高﹐一係認受高 ISO 下的 NOISE﹐但最好過 BLUR 所以我就 SUGGEST用腳架﹐FOR DC 用的好輕便﹐影時用連拍﹐影多幾張﹐緊有D比較滿意﹐DC 追焦同連拍都好弱﹐所以動作快時﹐都預左唔會有理想GEI 作品。不過歌手講下野﹐唱慢歌﹐成功率會高D GEI ^^ 小 TIPS 影 RAW + JPG﹐因為 就算 UNDER / OVER 多左﹐用 RAW 就易D 修正﹐寬容度大D ^^ 但係大家又未必有時間修正咁多 RAW﹐所以 + JPG 就最隱陣啦。 還有張相 UNDER 都唔好 OVER﹐因為一 OVER ﹐所以細節就會冇晒﹐UNDER 左都仲可以升番光。咁當然最好就緊係測光正常啦。
演唱會分享 2014 版本 製作中, 好快分享給大家呢
HEHE, 喜歡的請給一個掂 ^^
P.S. 舊文修復死圖與排版問題中 ^^
埋泥揀
埋泥睇
我的專頁,唔睇都 LIKE 下啦
Vision A Photography www.facebook.com/visiona.photography
|
~END~
| 商店 | 香港體育館 |