|
印象分減
|
|
愛食
2016-02-10
417
0
|
分享
收藏
| 6-2-2016 (Sat)等老公放工後去買餸,買之前食o野吧,去瀝源食啦,話晒多選擇同冇乜大陸人. 我o地o黎到呢間以為係茶餐龐,但原來唔係,門口幾多人等,但如果搭枱就即有位,於是搭枱. 坐低後睇menu,老公要$45.00o既百里香烤雞意大飯,我要$43.00o既,意式番茄牛肉炒天使麵.呢兩個餐跟湯或飲品各一,我o地就要粟米忌廉湯同原茄意大利菜湯. 等o左6分鐘,兩個湯終於到o黎, 由於我感冒,所以老公先飲一半至到我飲.到我飲時,先飲粟米忌廉湯,係夠杰滑,不過可以更加好.味道屬正常冇問題. 原茄意大利菜湯,有啲啲辣味,酸味都有o既,OK. 然後百里香烤雞意大飯到o黎, 睇見烤雞唔係烤雞,而係雞扒,雞扒唔大件,飯量唔多,有啲薄切菇片.至於味道,似食白汁飯,百里香味道食唔出,名不副實. 最後到意式番茄牛肉炒天使麵, 份量同樣唔多,炒得OK o既,牛肉鬆軟,但有啲辣,係來自未炒熟o既紫洋蔥. 總括而言,呢間o野食同普通茶餐廳冇乜分別. 味道: 2.875分, 抵食係2.5分 服務: 上完百里香烤雞意大飯後,.有侍應拎住米蘭鮮茄烤豬扒焗珍珠飯問係咪我o地呢張枱,我o地冇人應.之後有人拎俾我o地.我o地愕一愕然,諗返清楚係咪叫呢個?唔係,我好確定老公冇講錯.睇吓張單,竟然係落錯,於是同侍應講佢o地落錯. 侍應同另一個落單o既女侍應講,我o地依家唔要焗豬扒飯,要天使麵.我o地即刻答,唔係我o地唔要,係你o地落錯單. 之後個女侍應過o黎,問係要邊個?咩No.?我攞返餐牌睇,但o岩o岩收o左. 我同佢講係番茄牛炒天使麵.佢都攞返餐牌過o黎,我再指俾佢睇. 佢問唔係焗豬扒飯咩?我答唔係.咁就攪返正.我o地估, 一係佢寫錯No.,一係寫得衰,6寫到個5字咁.
感謝 愛食 提供以上資料 愛食 的網誌: http://www.openrice.com/zh/gourmet/reviews.htm?userid=46226&city=hongkong
|
~END~
人均
$44.00
| 商店 | 意樂餐廳 Cafe de Itamomo (屯門店) |