屋村韓食* Sister Korea Cafe
|
|
暴食小公主
2016-02-15
498
0
|
分享
收藏
星期6日出街人多車多 想靜靜地搵個地方食飯 就唯有離開鬧市去D偏遠D既地方 今次小公主就去左呢間係大圍既韓國店 一開頭以為佢係大圍市中心 點知完來係屋村商場入面 店舖都幾大,而且入面裝修好有特色 所有牆身都畫哂好Colorful既塗鴉 但入面又放左d舊式擺設 雖然好似格格不入,但加埋一齊又好特別 清河醉雞翼 $45/4隻 醉雞翼有淡淡米酒香 可能係醃過同埋凍既關係比較硬 但d肉都係嫩既 作為前菜都幾清新,唔錯 韓式水冷麵 $58 雖然而家係冬天 但果日想食d開胃既野,所以就叫左水冷麵 唔知係唔係冬天既源故 入面無咩冰碎,不過都夠凍既 個湯甜甜地,加埋醋既酸 真係好開胃好醒神 麵條都夠煙韌 如果可以比多d青瓜絲就好 漢拿山豚肉炒飯(不辣) $128 叫完之前店員就會拎個gas爐同埋材料黎 之後就會係你面前炒個飯 味道唔錯,不過如果你係想要蛋漿 就要快手d叫佢熄花 唔係d蛋會熟哂,同普通蛋炒飯無分別 雙層草莓柚子沙冰 $32 望落係幾靚,飲落就真係一般 D冰好大粒唔夠幼 而且草莓味太勁,其實飲唔到柚子味 食物水準中上 但店員服務好好,有禮貌 雖然keep住要去整個炒飯都無唔耐煩/黑面 當而家個個屋村商場都係比連鎖食店玩哂既時候 呢到竟然有一間韓國店,值得支持!
感謝 暴食小公主 提供以上資料 暴食小公主 的網誌: http://www.openrice.com/zh/gourmet/reviews.htm?userid=58662494&city=hongkong
|
~END~
人均
$100.00
商店 | Korea Cafe Sister |