不想獨自快樂 SeeWide

自初在雜誌見過溫野菜降落香港的海港城後，又多了一間正宗日本本地老店，雖然看過後覺得吸引，但開了個多月還是沒有機會一試，歸根究底，我實在太怕排隊了。

朋友說，一月中旬來過排了一個鐘，我是有點怕的，雖然想食，但係還是不得要領，這間餐廳就放在我的口袋有一個月的時間了。

寒風的凜冽下，接近八點鐘的夜晚，碰巧有朋友說在這裡打邊爐，竟然還有位置，雖然有些可能冇咁熟悉的朋友，但係一人一鍋，講真，又有乜所謂，也是獨自快樂享受自己個鍋，那麼唔過黎又點對得住自己。

餐廳就係LCX入面，老實說，就算排隊都唔驚，因為大把對方行街，排幾耐都唔驚。
温野菜的相片 - 尖沙咀)

餐廳以啡色為主調，簡潔整體性好日本feel，仲有大大海景，餐廳還有好多display，每隻唔同嘅牛同菜都有樣睇，完全好日本餐廳格局。
温野菜的相片 - 尖沙咀)

係多個獨自快樂餐中，我好貪心選了那個豪華絢爛餐，食物最多，名又靚過人，完全不用想。
温野菜的相片 - 尖沙咀)

前菜選了味付鵪鶉蛋，唔知點解個feel令我想起茶葉蛋，不過鵪鶉蛋鹹鹹地幾開胃，又唔會食飽人。
温野菜的相片 - 尖沙咀)

選個湯先，壽喜湯，豆乳湯，咖哩湯，鰹魚湯，昆布湯，麻辣湯，柚子湯，蕃茄湯，藥膳湯等等，朋友話藥膳湯最出色，12種藥膳有蓮子，花椒，金針，杞子，草果，紅棗等等，聽都知似小肥羊feel，一於選呢個。
温野菜的相片 - 尖沙咀)

生菜沙律，日本原地進口生菜，又點會唔好食呢。
温野菜的相片 - 尖沙咀)

松葉蟹腳都有得食又係另一驚喜，雖然都好易食，但係牛肉同菜都咁正，相對我冇咁熱愛食蟹腳。
温野菜的相片 - 尖沙咀)

主角出場，呢個餐總共有四款肉，佐賀a5黑毛和牛肉眼，美國上級牛肋肉，熊本豚腩肉，還有澳洲M9和牛肩脊肉，四種各有所長，當中最喜歡佐賀a5黑毛和牛肉眼，那個和牛味很濃，澳洲M9和牛肩脊肉就較有咬口，熊本豚腩肉豬味都很出色，最普通就係美國上級牛肋肉，係好typical 嘅美國牛肉feel。
温野菜的相片 - 尖沙咀)

豪華絢爛餐包的野菜五品盛樣樣精美，生菜蔥花金菇各有所長，總之係菜都鐘意，老土啲講，真係鮮甜過平時食個啲好多，突然覺得日本人真係好幸福。
温野菜的相片 - 尖沙咀)

沒有了福袋年糕，好可憐，聽說呢個係check in item，可惜我太遲來到了，結果鍋物就俾左淮山卷同蔥竹輪卷，兩種夾雜我個藥膳湯出奇地夾，淮山卷同蔥竹輪卷都各自有種獨特的幽香味，配合湯底感覺更特別，雖然沒有福袋年糕，但這個淮山卷都幾有驚喜。
温野菜的相片 - 尖沙咀)

朋友知道我都係個食得之一，於是不想獨自快樂再加碼，叫了丹麥雞腿肉，又平又好食，雞腿肉又滑又鮮味。
温野菜的相片 - 尖沙咀)

佐賀黑毛和牛西冷，唔駛講西冷部位和牛味更勝肉眼。
温野菜的相片 - 尖沙咀)

還有鹿兒島黑毛和牛牛肩脊肉，呢個都唔錯，啲肉真係好味到停唔到口。
温野菜的相片 - 尖沙咀)

這裡以菜命名，廚房的外圍還有咁多的菜可以讓你選擇，又怎能不試試呢度所有自日本入口的野菜，野菜三品盛，水菜，舞茸菇，金菇，三種都非常好食，新鮮絕對值得你再encore。
温野菜的相片 - 尖沙咀)

最後來個煙韌到不行的寬條麵，吸盡所有肉菜蟹和藥膳湯的精華，這個才是今晚最搶鏡的貨色。
温野菜的相片 - 尖沙咀)

再飲一口湯，出面得幾多度都唔會驚，呢個湯真係一流，可以話黎自日本嘅小肥牛。

朋友說紅豆雪糕夾餅都幾好食，於是便點多一個，味道不錯之餘，又靚又精美，如果食唔飽，絕對可以叫多個試下。
温野菜的相片 - 尖沙咀)

當你以為這裡可以獨自快樂，一人一鍋，但係好似我地較為大食又鐘意日本菜同食肉獸的話，你會不想獨自快樂，同人再叫多啲食多啲，聽日天氣又凍番，又係時候黎happy together 一人一鍋啦。
温野菜的相片 - 尖沙咀)

温野菜 On-Yasai

尖沙咀廣東道17號海港城海運大廈LCX 3樓37A號舖

============================================

感謝技巧樹熊提供以上資料

技巧樹熊的網誌: http://www.openrice.com/zh/gourmet/reviews.htm?userid=718688&city=hongkong

============================================

~END~

人均 $480.00

商店

温野菜


抱歉，發生點錯誤。重新載入


(0)	(0)	(0)