中、英、日式High tea就食得多啦! 

唔知泰式High tea大家又有冇興趣試呢?

早前余媽媽一家來到尖沙咀區搵食! 

呢區食野都唔平㗎！估唔到係海防道附近

可以食到個抵食又好味嘅泰式下午茶套餐~ 

有好野當然要同大家分享啦～

呢間Thai Master 泰斗餐廳推出左泰式下午茶套餐, 

價錢為$298/2位!

餐廳環境寬敞, 氣氛也不錯~

還有一些泰國擺設~

余小b未食先興奮!!!

食。物。到。。。

余媽媽本身係諗住已經有一排無食泰國菜, 

不如嚟過下口癮啦～

點知呢Set泰式下午茶套餐

原來都好有份量㗎！

同英式下午茶一樣, Thai High tea都係分3層, 

另外仲有一碟生蝦, 泰式甜品和2杯特飲~

而且食物賣相十分吸引, 很有驚喜! 

未食已經令人唾涎~ 

本來想上齊食物來個大合照, 

點知為食余小b等唔切, 扭晒計! 無法啦～

美食當前, 係好易會令人失去理智嘅^^

起。動。了。。。

最上層的春卷很香口~

中間一層是魚餅、蝦餅、皮蛋蝦餅和香矛雞翼,

種類包蘿萬有~

蝦餅很彈牙, 加入皮蛋又別有一番風味~

香矛雞翼香口惹味! 

多來幾隻都唔會嫌多! 

余小b一人獨吞了3隻之多!

最下層則是3款冷盤, 分別有木瓜沙律、

柚子沙律和泰式鳳爪, 皆帶點酸辣, 

所以余小b暫時與它們無緣  (雖然佢不斷想偷食)~

木瓜沙律和柚子沙律味道清新, 

帶點酸辣, 很開胃~

而且剛好中和了之前食完炸物的少許油膩感,  

看得出廚師的心思~

想讚這道泰式鳳爪真的弄得很出色, 

很爽口而且唔覺硬身~

生蝦肉質清爽, 配上泰式醬汁係最完美的組合~

兩杯特飲分別是芒果沙冰和草莓沙冰, 

果味濃郁, 口感幼滑~

食埋甜品就是圓滿的句號了！

各式泰式糕點, 賣相十分精緻, 

味道唔會太甜~

識食的余小b又出手橫掃了好幾件~

余媽媽尤其喜歡呢款芒果糯米飯, 

佢唔止賣相可愛外, 入口時仍是暖暖的, 

所以覺得份外美味!

這頓抵食又美味的泰式下午茶真是令我們回味無窮, 

下次一定要再來啊!

有關Thai Master （泰斗）Restuarant & Bar:

Facebook專頁: 

https://www.facebook.com/thaidouthaimaster

地址：尖沙咀海防道38-40號中達大廈4樓全層

營業時間：12:00 中午 - 01:00 凌晨

 多謝收看!喜歡呢篇blog嘅話, 

可否去我地個Facebook 俾個Like我地呢？

謝謝支持!