|
長洲日全食-青流
|
|
味之素
2016-02-23
1637
11
|
分享
收藏
難得GOGO放星期六,約左一齊去長洲行下同奴食,好耐冇去過長洲,多了不少新美食呢,今次第一站是去呢間餐廳,主打泰國街頭小食,我就係為左個香蕉PANCAKE而來。
小小的店子,裝潢甚有特色,以深藍綠色為主調,牆上貼了不少經典名星海報及黑膠唱片,磁磚地板,汽油桶造型的枱椅,帶點異國懷舊味道。
餐廳裡有賣夏威夷恤衫及飾物等,襯晒沙灘用呀。
餐廳的menu就在這個黑板上,食物不算太多選擇,可能是新店的關係。
士多啤梨茶,跟食品價$10,十分精緻的茶具呢。
茶包來的。
透明的紅色,杯內有士多啤梨肉,賣相不俗,但其實冇乜味道,茶味都好淡。
青流蘋果特飲,跟食品價$29用的是泰國銀杯,賣相甚有泰國風呀。
有清新的蘋果香氣同少少酒味,加上雜果,完全感受到清涼爽,夏天飲必正呀。
PAD THAI,$32,小小的一碟,份量不多,但個人幾喜歡咁樣,因為可留肚食甜品,泰式炒金邊粉,有花生碎、炒蛋、芽菜、蝦及蔥等好多配料,砂糖及辣椒粉,先用來攪勻食的,味道酸酸甜甜少少辣,好醒胃呀。
香蕉PANCAKE,$22,因情意結之下想試XD,因之前去蘇梅食過好好味,而加想回味呀,班戟皮口感軟腍,香蕉份量適中,但不夠香,如果多點朱古力醬會更好,都值得一試呀。
有特色的店子,感覺RELAX,食物水準平均,飲品有好有麻麻地,服務態度不俗,下次會再去呀。
長洲金銀灣金豪閣10號地下
|
~END~
| 商店 | 青流 |