講起釣魚，以前成日同表弟去塔門釣番兩手，去親都去東面啲岩石位釣的，但每次搭船返黃石都經過高流灣，次次都見到有好多人在釣魚，心想係咪真係咁好境呀，因為我見塔門碼頭時時都冇乜人釣魚的，唔通啲魚走晒去嗰度！多年後，現在見人釣泥鯭都幾有成績，我又學人去釣埋一份，講真以前玩磯釣，釣啲荒島泥鯭都叫有啲心得，但現在學人在碼頭釣泥鯭又是另一種學問，我可以說是初哥一名！今次去到時釣咗一粒鐘都冇咩動靜，但不久就大軍殺到，魚餌落水唔夠五秒就食晒，全日就不停地餵魚，我已經把魚鈎換到超細，但都是仍然難以中鈎，結果全日只中四條泥鯭，其他魚就俾我餵飽一大餐了！