|
火車中的慢享受
|
|
chickenandpp
2016-02-22
626
0
|
分享
收藏
| 有位中意覓食既朋友同我講，話我果頭開左間火車主題既餐廳， 開頭我都唔係好信，因為附近食開都係茶餐廳、快餐等等， 不過比佢咁樣一講我又有啲興趣，攞左個地址過幾日就同chicken黎潮聖xp 餐廳雖然唔算近我屋企果邊，但行過去5分鐘左右就到， 可以話係荔枝角同長沙灣既中間位置，地方都幾偏僻。 門面設計以地圖做藍本，橙黃色做主色，比人種感覺就係懷舊復古， 不過室內坐位唔多，所以要係門口等15分鐘先有位坐q_q 門外仲放疊左一個複古既旅行箱，上面則放左一個餐牌，係舊時西式既火車主題呢~ 終於可以入去，室內兩側均見到不停郁動緊既「窗口」，而上面既鐵架放滿左行李， 大家可以邊食邊欣賞「窗外」既風景，猶如置身係火車入面！而我地係其中之一既旅客。 血橙蟹肉沙律，沙律材料主要為火箭菜、蟹肉、蕃茄乾，以柚子醬做調味， 我地都唔係太中意火箭菜既味道，因為苦澀味太重，口感都唔爽， 雖然柚子醬可以令成個沙律變得甜啲，但難掩火箭菜既苦澀味q_q 但蟹肉、蕃茄乾等等，就因柚子而變得更鮮甜，不過火箭菜都係因人而異吧！ 黑松露蜆肉珍珠糙米飯，因為係糙米飯所以口感會偏乾身， 有淡淡既黑松露香，蜆肉既份量都幾多，兩個人絕對夠分！ 有殼既蜆肉更加鮮嫩又多汁，整體食落都幾香口。 唔好睇少佢只得黑松露做調味，當中既香菜、車厘茄都擔當左重要既調味角色～ 有落幾有口感，而且糙米都係健康既米飯～ 帶子、虎蝦、魷魚筒、三文魚海鮮拼盤，一次過滿足你四個願望！ 所有想食既海鮮通通係齊到，帶子味道非常鮮香，食落彈牙又香口， 虎蝦好厚肉，夠晒啖啖肉，味道亦唔錯，仲有可以落檸檬汁做調味， 三文味道細滑魚，口感肥美多汁，食得出佢既脂香。 魷魚筒有少少調味粉令佢味道更香，微咸得黎帶其魷香，而且份量夠多～ 仲有埋青口助陣，鮮香美味，口感就偏乾少少～ 熱朱古力，冇任何既拉花，只得厚厚既一層奶泡， 香濃朱古力味，甜度適中，唔洗落糖都得，凍天一定岩飲>< 出餐時間較慢，所以食野都可以慢慢黎，環境雖窄小但勝在設計有心思， 食物方面亦都唔錯，更有特別既甜品可以一試，希望我地食完可以去到「目的地」XP
感謝 chickenandpp 提供以上資料 chickenandpp的網誌: http://www.openrice.com/zh/gourmet/reviews.htm?userid=51033932&city=hongkong
|
~END~
人均
$350.00
| 商店 | CHOO CHOO |