|
郊外泰菜*忠誠茶座泰國菜 Chung Shing Thai Restaurant
|
|
暴食小公主
2016-02-25
765
0
|
分享
收藏
| 早排屋企人生日 所以就出左去食飯慶祝喇 慶祝就梗係要搵D特別d，平日少去既地方啦 所以就入左黎大尾督忠誠 香茅雞翼 有小朋友係到就叫D香口小食啦 香茅雞翼炸得幾乾脆 不過香茅味就唔多夠 食落似普通炸雞翼多D 沙爹豬，沙爹雞 兩款肉類食落都好嫩 但就唔似係炭燒 而且沙爹比得好孤寒 得小小 青木瓜沙律 料好足，而且切得夠幼細 但係個沙律都幾辣下 食唔到辣既朋友要小心 菠蘿海鮮炒飯 可以揀原個菠蘿或者碟上 又有青口又有魚柳都算足料 味道唔錯，但個飯唔夠乾身 明爐生魚 屋企人都幾鍾意食魚 但大家知道呢條係生魚果時都有d驚訝 因為而家都比較少餐廳用 生魚肉質比較滑 所以一路keep住滾都無鞋到 但個湯我覺得唔多夠味 一路食都好似食緊清蒸魚咁 咖哩炒蟹 有時都幾怕出街食炒蟹 因為總係覺得隻蟹會唔靚 但呢到隻蟹好大隻不特止 仲好新鮮同多肉 咖哩唔辣但好惹味 用黎送飯一流，小朋友一樣岩食 焗薄餅 咁有咖哩又點可以無野點 呢到既名物: 焗薄餅 食落好似酥皮咁 而且無煎既咁多油，正 其實當晚仲有其他野食 不過食得太開心唔記得影 (同埋唔記得MARK價錢) 食物既水準好似比以前差左DD 不過去忠誠除左食物 其實都食成個環境同氣氛 放假想離開下市區，呢到都係一個好選擇 *PS: 我搵佢個地址果時發現原來佢有Website 上面仲要有現金coupon (我唔放website係到喇，廢事比人話賣廣告 有興趣就自己google啦)
感謝 暴食小公主 提供以上資料 暴食小公主 的網誌: http://www.openrice.com/zh/gourmet/reviews.htm?userid=58662494&city=hongkong
|
~END~
人均
$180.00
| 商店 | 忠誠茶座泰國菜 Chung Shing Thai Restaurant |