最近轉左系旺角做Sales，企的時間多左，所以對腳有D攰，上網揾左間叫泰然的按摩店，打電話book都要過兩個鐘後先有位，好彩收工後時間差不多。
上到去原本諗住只系按腳，但全身泰式按摩比按腳只系貴30元，最後選擇了泰式按摩。
我見到地方吾大，但勝在都乾乾淨淨，留意到有音樂同少少香薰味，環境衛生合格。
第一次去所以叫老闆介紹一個較有經驗的泰國師傅，老闆招呼都不錯，有問到我咩位置攰同埋話俾按摩師知，按摩師傅好似叫"馬利"姐，識講廣東話。按左一個鐘60分鐘，呢個師傅按得好到位，同埋夠力，按完個人好似瞓醒哂，鬆哂！不過一個鐘吾夠候，下次要2個鐘先得。

============================================


感謝Z1Z提供以上評論
Z1Z的網站：www.zoneonezone.com

============================================