一年前幫襯過，之後去左外國，最近放假番左香港再黎一黎
d位好似執過黎，好似比以前逼
d姐姐都幾有禮貌o既
不過今次個經驗唔太好
咁我卜左一個鐘泰色按摩同一個鐘足底按摩
個姐姐d技術少少怪，
首先佢對我左半身同右半身按o既方法係唔同，例如左半身（eg左手左背左腰左腳）佢會用ABCD按，但右半身只係用ACD會無左動作B,所以會覺得右半身有幾個位無按咁，咁我以為係唔係姐姐根據我左右唔同情況有唔同按法啦，又唔似wor，因為佢按頭時右半邊頭有用右手掃同按（其實佢掃下掃下都唔知佢係度做乜），但左半頭佢只係用左手掃頭但無按頭，咁頭部肌肉（？）無分左加右喇掛？
另外佢對佢自己o既右手邊野係明顯地大力d，用腳時尤其明顯，我以為係我左加肌肉感受唔同啦，但我扒係度時的右半身大力d，我平訓時的係左半身，唔會咁怪掛（況且佢左右根本就唔同踩法）
第三係我我本身係卜左一個鐘按摩一個鐘足底，咁我係度睇到圖同睇到價目表就expect足底係腳底按摩，但turn out我腳底係近乎無按過，只係踩過下咁，咁我唔知佢係唔係花多左時間係我對腳到，但我最想被按o既腳底無成功按到，我睇到個鐘時已經過左個半鐘，我而家先問係唔係應該按腳底又好似已經太遲，最尾佢的確收錢係一個鐘按摩＋一個鐘足底o既價錢，但成個感覺怪怪的
總括黎講個經驗無上次咁好，個感覺有d古怪

 

 

 

泰然  回覆會員

 

Raymond Choi，你好！

首先十分感謝你對本店的支持，放假回港亦專誠光顧！

我完全明白 Raymond 嘅心情，或者由基本嘗試解釋。

1. 泰式一小時，腳一小時，首先了解泰式按摩，一小時的泰式按摩，師傅是跟據客人身體情況而決定，例如:當左邊身體比較累時，師傅是會分配左邊之時間較多，因 如按足全身的話，一小時的確未必夠時間的，因此師傅一定憑經驗去判斷客人之身體當時情況而作出時間之分配。

2. 按腳底的情況未如 Raymond 理想，其實泰式按腳跟中式按腳顯然是有分別，因泰式按腳是著重於腳部拉根或鬆根，與中式穴位足底按摩是有分別的，正宗泰式按腳是睡在泰式床按，泰國人相信 會使客人會輕鬆得多，而中式是坐於椅子上按，雙方按法是有明顯之不同，現在因為了方便才有泰式按摩店之技師都會採用中泰混合按法，包括曼谷部分按 摩店都有採用。因此 Raymond 感到比一年多前的技師按法有分別，是因為泰然本著要帶給客人一個正宗泰式古法按摩的精神，所以現在泰然幾位師傅是正宗擁有起過二十年經驗帶給每位客人選 擇，當然，部份舊師傅也仍然留在本店給客人選擇。


最後，本店誠意邀請 Raymond 以半價來試一次真正的泰式兩小時古法按摩，希望能使 Raymond 體驗到古法按摩的輕鬆感受。


再一次多謝 Raymond 的支持及意見！

泰然負責人

============================================


感謝Z1Z提供以上評論
Z1Z的網站：www.zoneonezone.com

============================================