|
韓流cafe推介
|
|
chickenandpp
2016-02-26
486
0
|
分享
收藏
| 有好一段日子冇食韓國菜LU~好想發掘多啲新意思， 韓國菜除左燒肉、芝士乜乜乜外，韓式Cafe都有好多獨特元素， 一嚐韓國菜之外，仲可以食到獨家製作既韓式甜品～ 雖然香港既韓式Cafe唔多，但總會一有間會令你覺得非去不可！ 近依兩年韓風韓流襲港，雖然個心未被受到侵襲， 但個胃就已經完全地被征服，食多左唔同類型既韓式菜！ 依間韓式Cafe，係我近期最心郁郁想食既餐廳，終於有機會黎到喇xd 估唔到依間看似細小既Cafe，經過玻璃門後係一個充滿古色古香既小花園， 木製既枱櫈，仲有一個懷舊既木鞦韆，氣氛寜靜寫意，係非一般既Cafe呢~ 好彩依家天氣未算好凍，入夜後坐係室外特別有feel，同時感受到大自然既氣息。 餐牌既主菜、甜點、飲品都有，以「吃」既部份既款式唔多， 所以我同chicken每人各嗌一個主食、甜品同飲品～ 望落份量好似好多，但其實我地就快練成超級大胃王xd 每人各食一個，足夠有餘！！（講笑XD）當然係主食佢既，甜品我既55 每枱都會有隻發光小擺設，可揀可抽～咁岩抽中chicken既同鄉，當然要影相留念A_A 佢地以自助形式攞餐，先去櫃台落單然後店員會分發一個取餐通知機(如上圖)， 一出餐就會震動同閃燈，我地一見到佢響就好興奮去番室內櫃台取餐 流心芝士伴飯配泡菜雞柳，佢地飯類既賣相都比較特別，飯同配菜埋疊成一個圓柱體， 食既時候將佢整散搞拌，頂層係流心芝士同泡菜雞柳，而中間就夾雜住飯、紅蘿蔔、青瓜， 搞拌後既味道好豐富，軟軟既芝士加微辣既泡菜，一旁既紫菜絲可以增加口感， 泡菜雖然有少少辣，但比雞柳既甜味中和番，食落開胃而且份量足夠！ 岩漿蛋拌飯配黑松露煙三文魚，流心既蛋漿伴起成個飯，可以加上辣醬調味增加層次， 黑松露既味道佔好少部份，轉舜即逝就冇左隻味，煙三文魚微咸，多以增加味感為主， 雖然有岩漿蛋拌飯但味道依然較清淡，相比下流心芝士伴飯配泡菜雞柳較豐富， 若有多啲醬汁拌飯就更好喇～ 脆脆柚子芒果K爆米餅，賣相好似盛放既花兒，中間個雪糕係花蕊， 而且味道甜而不膩，味道清新，而且雪糕下面仲有芒果粒同柚子醬， 爆米餅口感鬆脆，一定要沾上芒果同雪糕咁食～味道更佳！ 亞朱媽年糕多士和雪糕大戰－烤棉花糖和奧利奧， 大家都覺得有揀錯左既感覺，因為岩岩大家都食左個飯已經有啲飽肚感， 但依個年糕多士同烤棉花糖雪糕，真係令到我地飽到流xd 多士如其名，口感似年糕般煙韌，中間軟淋淋，但上層既烤棉花糖真係不得了， 好黏身而且愈食愈膩，所以大家都係半放棄狀態，建議好甜者同只食甜品可以嗌， 但如果有食主飯既話都唔太建議～ 凍柚子椰沫飄雪，好香既椰子味，底層柚子味較重，搞拌之後就可以同時飲到兩種味道～ 椰沫好感creamy，加上清新既柚子，效果都唔錯～ 草莓香蕉茶，氣味飄香，有淡淡既草莓香味，但味道則唔太出，略為清淡 整體黎講，cafe既環境氣氛唔錯，有種令人想一去再去既感覺，而食物方面都花左唔少心思， 賣相同味道都有驚喜，但飯類既款式選擇較少，出餐時間都幾快，唔會等好耐， 而且幾中意佢個自助形式取餐，食野期間更加自在～主題新穎又帶啲韓國特色，值得一去！
感謝 chickenandpp 提供以上資料 chickenandpp的網誌: http://www.openrice.com/zh/gourmet/reviews.htm?userid=51033932&city=hongkong
|
~END~
人均
$200.00
| 商店 | Seoulmate Cafe |