平價韓燒食到飽
|
|
yuchiro
2016-03-04
1410
0
|
分享
收藏
是晚又黎到校長燒肉,究竟黎食左幾多次呢?唔記得了。最近見不少網民話校長難食,態度差等,我又唔覺喎,想同佢評返下啫。 肉類,雖然唔講得上係靚肉,但至少多款式,豬、牛、羊、雞、魚、魷魚等,一般凍肉舖貨。 菜類,有下翠玉瓜,洋蔥,菇咁啦,都幾新鮮。 熟食,呢個我就真係麻麻,黎食燒肉點解要食熟餸呢!?無試到…… 牛油芝士粟米,蠔等,我覺得呢個燒起好正,熱辣辣嘅牛油粟米又香又甜,芝士滆左包住蠔,呢兩樣無得輸。 各式壽司,有個師傅係櫃枱入面不停咁拎出黎,幾新鮮㗎,飯軟綿又唔係太大舊。 刺身區,有三文魚、吞拿魚、希靈魚、鯛魚等,好多人拎所以貨去得快,ok肥美新鮮啦,唔係頂級靚魚,但食落都啖啖滋味。 蒜容包,呢個好受歡迎,擺落爐烤返熱就好香,牛油蒜容味正。 炸物,有薯條,薯格,薯餅等,韓燒有呢啲真係幾搞笑,但食小小當小食ok啦。 人參雞湯,無試,行過聞到有人參味。 紫米露,燒完有返碗糖水潤下,個人覺得略甜。 夏枯草,怕熱氣?仲有涼茶飲,都係略甜,但呢樣幾貼心喎。 爐火力猛,好快熟亦好易燶,要小心燒,加上係任食,不停咁堆滿爐,容易搞到好油。個張吸油紙要六蚊張,如非必要,唔好換得咁密。 味道正常,鍾意食肉嘅朋友真係天堂,燒肥牛好正㗎,又甘香又易燒,加上燒完迫左啲油出黎無咁膩,另外牛仔骨都好正,肉味濃又滑,個調味唔錯,最推介呢兩樣,其他都好ok,咁嘅價錢抵到爛。 但油煙味幾勁,千其唔好著靚衫
感謝 yuchiro 提供以上資料 yuchiro 的網誌: http://www.openrice.com/zh/gourmet/reviews.htm?userid=444085&city=hongkong
|
~END~
人均
$200.00
商店 | 校長燒肉日韓料理 |