|
工廈cafe* I's Land Cafe
|
|
暴食小公主
2016-03-01
646
0
|
分享
收藏
其實日日番工都對住部電腦 有時放工都會想去D人少D 環境靚D既餐廳食下飯放鬆下 所以上星期5專登搵左呢間餐廳 觀塘工廈而家真係隱藏左好多食肆 會揀呢間I’S LAND CAFÉ係因為佢比較易搵 而且入面既裝修好有大自然Feel 店主仲放左好多唔同既盆栽擺設 岩哂對完成日電腦既我relax下 因為係工廈既原因，空間超大 餐廳用玻璃將成間店分成兩個area: 綠葉區同紅葉區 (哈哈，個區名我作既) 兩個area都一樣咁有feel 而且空間大，就可以同朋友放心傾計，唔怕隔離枱聽到 食物方面夜晚就有set dinner 如果唔夠都有小食menu比你揀 忌廉湯 / 蒜蓉包 跟餐既忌廉湯入面有少少南瓜 飲落甜甜地夠creamy 蒜蓉包望落好似無點烘過 但實情係好脆，點湯一流 鮮大蜆海贍雜菌燴闊條麵 $128 唔好睇張相好似好細份，其實都幾飽下 當日海贍賣哂，所以轉左黑松露 其實小公主好怕d餐廳放太多黑松露 攪到成個意粉都正係得黑松露味 但呢到個份量控制得幾好 有黑松露既香，但同時都仲食到其他味 大蜆夠新鮮，食落又冇沙 而且蜆肉既鮮甜味落左個汁到 加埋煮得岩岩好既意粉，唔錯 炭烤三重奏 (4安肉眼扒、羊鞍、豬肉腸) $178 如果你係食肉獸，食呢個就會好滿足 肉無過熟，合格(我地點左7成熟) 另外羊鞍夠嫩，食落唔會鞋唔會韌 本來怕豬肉腸會有膻味 不過呢隻腸又無事 而且店家都幾貼心，知道成碟都係肉 所以個底都比左d蔬菜同薯蓉平衡下 鮮蟹肉焗西蘭花 $58 覺得好似真係食左太多肉 所以都叫番個菜食下 鮮蟹肉雖然唔多，但都食到 西蘭花唔會煮得太硬/淋 加埋面頭d芝士令味道無咁寡 係一個健康得黎又好食既小食 心型開花茶 呢到都幾多花茶揀 岩哂我呢d唔鍾意飲咖啡既人 不過好可惜個茶上枱既時候個心型已經開左 所以就唔係好睇得出佢係心型 茶壺個咀放左個隔茶葉既工具 咁就唔怕飲埋d茶葉，都幾貼心 Iced Americano 男友既咖啡，佢話都唔錯 小公主覺得呢到幾適合男女朋友拍拖黎食飯 因為個環境靚，而且夠靜 想兩個人傾下計，坐耐d都得 地址: 觀塘開源道62號駱駝漆大廈1座6樓A舖 電話: 5307 3636
感謝 暴食小公主 提供以上資料 暴食小公主 的網誌: http://www.openrice.com/zh/gourmet/reviews.htm?userid=58662494&city=hongkong
|
~END~
人均
$150.00
| 商店 | I's Land Cafe |