|
豪食和牛
|
|
lucywu
2016-03-03
460
0
|
分享
收藏
o係唔開心既時候，係好應該對待自己好一ｄ。近排俾人激親又有好多野憂慮，所以好需要用食物去滿足自己。和牛當然係選擇，除左可以碌碌朋友既咭，又可以利用高級和牛肉去填補情感上既空洞！ 今之選擇左和牛燒肉‧純，佢其實就係尖東噴水池附近，希爾頓中心，好日式有私人空間一個個房傾計唔怕嘈到隔離房，就近３Ｄ博物館個度！而且呢間和牛燒肉‧純ｏ係東京已經有好多年既歷史，係屬於日本全農企業，餐廳所有既牛都係和牛級，要符合特定資格先可以被發證明架！所以，呢度叫既和牛可以話係有品質保證，一分錢一分貨，食完先知道真正和牛係點。 加上，其實餐廳好有心，好多餐牌／資料提供俾客人去認識和有有關和牛既資訊，包括和牛既等級、進食方法、牛肉既分類等，同埋店員宦好細心有耐性介紹，真係又食又拎，獲益良多。 點菜後，店員便送上餐對沙律，簡簡單單，非常清新，幾款沙律菜撈左醋同檻欖油，酸酸地好醒胃！ 蘋果醋荔枝梳打＄５９ 店員推介既飲品，有酒精同無酒精既選擇，帶清清既荔枝味加埋易入口既醋，清新，有助減低肉類既肥膩感覺。 真係只望全住呢個和牛拼盤，都已經心足，不往價錢都唔平，４款既肉分別用唔同器皿裝住，更易記到，可以揀要燒汁或者鹽。 牛排肉係雪花較多既一款，油脂香得黎帶濃厚既牛味，入口即溶，係極品之選擇！ 特選日本產和牛牛排肉 呢個係我最愛之選，我覺得牛味最濃，而且最多汁！ 日本產和牛上牛排肉 呢個油脂香味較重！ 日本產和牛肩眼鹽燒 脂肪較少，紋理較顯眼，肉質柔軟！ 日本產豬五花腩肉 睇落個樣好似肥牛，但係豚肉黎架，不過一Ｄ都唔肥！ 開始燒啦！ 熟左可點既醬汁，當然第一啖食原汁原味，之後可以再點下醬汁，鐘意帶少少酸個醬，配濃味牛岩曬，檸檬係ｆｏｒ牛舌！ 特選日本產和牛牛排肉 牛味好濃，油脂香，真正嘅雪花牛，見到塊肉嘅表面流出肉汁嘅時候，就係反轉塊肉嘅最佳時機！ 由於 因為脂肪重，所以表面七成熟，入面燒到三成熟，已經可以即刻食架啦！！！！！ 其實一間咁正宗既餐廳，叫邊款牛都好正，樣樣都係超多肉汁，牛味重，正，仲有白飯任裝ＴＩＭ：）心情好番曬！
感謝 lucywu 提供以上資料 lucywu 的網誌: http://www.openrice.com/zh/gourmet/reviews.htm?userid=162319&city=hongkong
|
~END~
人均
$450.00
| 商店 | 和牛燒肉‧純 (尖沙咀店) |